Endi muǵalimderdiń áleýmettik máselesi, baspanamen qamtylýy, el qatarly shetelde demalýy jiti nazarda bolmaq. Bul týraly bilim máselelerine arnalǵan onlain-selektorlyq keńes barysynda oblys ákimi Janseiit Túimebaev atap ótti.
Ońtústik Qazaqstan oblysynda 1800-dei bilim salasy qyzmetkerleri men qala-aýdan ákimdikteri basshylarynyń qatysýymen ótken alqaly jiynda bilim salasyndaǵy reformalar men orta bilim berý sapasy, mektepke deiingi tárbie men oqytý máseleleri sóz boldy, dep habarlaidy QazAqparat tilshisi.
Oblysta búgingi tańda mektepter men kolledj, tehnikýmdarda dáris beretin 76 myń ustaz bar.
«Oblysta búgingi tańda mektepter men kolledjderde dáris beretin 76 myń ustaz bar eken. Sondyqtan, biz ustaz mártebesin kóterip, onyń áleýmettik jaǵdaiyna deiin kóńil bólip, qoldaý kórsetýimiz qajet. Iaǵni, olardy shetelde demaldyrý úrdisin jalǵastyryp, baspanamen qamtý jaiyn qolǵa alýymyz kerek. Óitkeni muǵalimderdiń jaǵdaiyn jaqsartpaiynsha, jaqsy nátijege qol jetkizý múmkin emes», - dedi J.Túimebaev.
Óńir basshysynyń aitýynsha, muǵalimge kórsetilgen kómek - bolashaqqa jasalǵan qamqorlyq.
Jiyndy qorytyndylaǵan aimaq basshysy, aýdan, qalalardaǵy bilim bólimderiniń basshylaryna jumysty jandandyryp, qolǵa alýdy tapsyrdy. Budan bylai atalǵan saladaǵy tártiptiń qatań bolatynyn eskertken aimaq basshysy oblys boiynsha mektepterdiń reitingin jariialaýdy tapsyrdy.
Sondai-aq májiliste mektepke deiingi tárbie men oqytý jáne orta bilim berý sapasyna qatysty sóz sóilegen oblys ákiminiń orynbasary Ulasbek Sádibekov bilim berý sapasyn arttyrý maqsatynda sheshimin tabýdy qajet etetin birqatar máselelerdi atady. Onyń sózinshe, óńirde bilim salasy budan bylai qatań baqylaýda bolady. Joǵary sapaly bilim beretin 10 mektep anyqtalyp, sol oqý oryndarynda keńeitilgen seminarlar ótkiziledi. Alǵash bolyp tizgindi «Altyn belgi» sany boiynsha oblysta birinshi oryndy ielenip júrgen Maqtaaral aýdanyndaǵy Baýyrjan Momyshuly atyndaǵy mektep-gimnaziia qolǵa almaq.
