ەندٸ مۇعالٸمدەردٸڭ ەلەۋمەتتٸك مەسەلەسٸ, باسپانامەن قامتىلۋى, ەل قاتارلى شەتەلدە دەمالۋى جٸتٸ نازاردا بولماق. بۇل تۋرالى بٸلٸم مەسەلەلەرٸنە ارنالعان ونلاين-سەلەكتورلىق كەڭەس بارىسىندا وبلىس ەكٸمٸ جانسەيٸت تٷيمەباەۆ اتاپ ٶتتٸ.
وڭتٷستٸك قازاقستان وبلىسىندا 1800-دەي بٸلٸم سالاسى قىزمەتكەرلەرٸ مەن قالا-اۋدان ەكٸمدٸكتەرٸ باسشىلارىنىڭ قاتىسۋىمەن ٶتكەن القالى جيىندا بٸلٸم سالاسىنداعى رەفورمالار مەن ورتا بٸلٸم بەرۋ ساپاسى, مەكتەپكە دەيٸنگٸ تەربيە مەن وقىتۋ مەسەلەلەرٸ سٶز بولدى, دەپ حابارلايدى قازاقپارات تٸلشٸسٸ.
وبلىستا بٷگٸنگٸ تاڭدا مەكتەپتەر مەن كوللەدج, تەحنيكۋمداردا دەرٸس بەرەتٸن 76 مىڭ ۇستاز بار.
«وبلىستا بٷگٸنگٸ تاڭدا مەكتەپتەر مەن كوللەدجدەردە دەرٸس بەرەتٸن 76 مىڭ ۇستاز بار ەكەن. سوندىقتان, بٸز ۇستاز مەرتەبەسٸن كٶتەرٸپ, ونىڭ ەلەۋمەتتٸك جاعدايىنا دەيٸن كٶڭٸل بٶلٸپ, قولداۋ كٶرسەتۋٸمٸز قاجەت. ياعني, ولاردى شەتەلدە دەمالدىرۋ ٷردٸسٸن جالعاستىرىپ, باسپانامەن قامتۋ جايىن قولعا الۋىمىز كەرەك. ٶيتكەنٸ مۇعالٸمدەردٸڭ جاعدايىن جاقسارتپايىنشا, جاقسى نەتيجەگە قول جەتكٸزۋ مٷمكٸن ەمەس», - دەدٸ ج.تٷيمەباەۆ.
ٶڭٸر باسشىسىنىڭ ايتۋىنشا, مۇعالٸمگە كٶرسەتٸلگەن كٶمەك - بولاشاققا جاسالعان قامقورلىق.
جيىندى قورىتىندىلاعان ايماق باسشىسى, اۋدان, قالالارداعى بٸلٸم بٶلٸمدەرٸنٸڭ باسشىلارىنا جۇمىستى جانداندىرىپ, قولعا الۋدى تاپسىردى. بۇدان بىلاي اتالعان سالاداعى تەرتٸپتٸڭ قاتاڭ بولاتىنىن ەسكەرتكەن ايماق باسشىسى وبلىس بويىنشا مەكتەپتەردٸڭ رەيتينگٸن جارييالاۋدى تاپسىردى.
سونداي-اق مەجٸلٸستە مەكتەپكە دەيٸنگٸ تەربيە مەن وقىتۋ جەنە ورتا بٸلٸم بەرۋ ساپاسىنا قاتىستى سٶز سٶيلەگەن وبلىس ەكٸمٸنٸڭ ورىنباسارى ۇلاسبەك سەدٸبەكوۆ بٸلٸم بەرۋ ساپاسىن ارتتىرۋ ماقساتىندا شەشٸمٸن تابۋدى قاجەت ەتەتٸن بٸرقاتار مەسەلەلەردٸ اتادى. ونىڭ سٶزٸنشە, ٶڭٸردە بٸلٸم سالاسى بۇدان بىلاي قاتاڭ باقىلاۋدا بولادى. جوعارى ساپالى بٸلٸم بەرەتٸن 10 مەكتەپ انىقتالىپ, سول وقۋ ورىندارىندا كەڭەيتٸلگەن سەمينارلار ٶتكٸزٸلەدٸ. العاش بولىپ تٸزگٸندٸ «التىن بەلگٸ» سانى بويىنشا وبلىستا بٸرٸنشٸ ورىندى يەلەنٸپ جٷرگەن ماقتاارال اۋدانىنداعى باۋىرجان مومىشۇلى اتىنداعى مەكتەپ-گيمنازييا قولعا الماق.
