Meditsinalyq saqtandyrý qory jyl basynan beri halyqqa tegin meditsinalyq qyzmet kórsetken almatylyq klinikalarǵa 85 mlrd teńgege jýyq qarjy tóledi. Bul týraly «Áleýmettik meditsinalyq saqtandyrý qory» KEAQ Almaty qalalyq filialy direktory Tileýhan Ábildaev habarlady.
Aitýynsha, onyń 24 mlrd teńgesi statsionarlyq kómekke, 18 mlrd teńgesi emhanalyq-ambýlatorlyq kómekke, qalǵan 15 mlrd teńgege jýyǵy joǵary tehnologiialy meditsinalyq qyzmetter úshin tólengen.
Jalpy, Meditsinalyq saqtandyrý qory ońtústik astanalyq 171 emdeý mekemesimen 99,5 mlrd teńgege kelisimshart bekitken. Sonyń ishinde, memlekettik tapsyrystyń 30 paiyzǵa jýyǵy jeke menshik klinikalarǵa berilip otyr.
«Jeke menshik klinikalar bizben jumys isteýge daiyn ekendikterin dáleldedi. Bizdiń endigi mindetimiz – azamattardyń sapaly meditsinalyq kómekke qol jetkizýine múmkindik berip, oń nátijelerdi sezinýine tolyq jaǵdai jasaý», - dedi Almaty filialy direktory.
