Jambyl oblysynda úsh adam ónerkásiptik kompaniianyń shahtasynan altyn rýdasyn urlamaq boldy, dep habarlaidy QazAqparat.
Bul týraly politsiia bólimine osy kásiporynnyń qyzmetkerleri habarlady.
Jábirlenýshi taraptyń aitýynsha, belgisiz tulǵalar kompaniianyń kúzetiletin aýmaǵyna kirip, tereńdigi 100 metr shahtaǵa túsip, quramynda altyn bar 3 qap ken urlamaq bolǵan.
Moiynqum aýdanynyń politsiia qyzmetkerleri osy qylmysqa qatysy bar degen kúdikpen 1976 jáne 1977 jyly týǵan eki er adamdy ustady.
Kúdiktiler Aqmola oblysy men Nur-Sultan qalasynyń turǵyndary bolyp shyqty.
Tergeý barysynda úsh er adam aldyn ala sóz bailasyp, 26 mamyrdan bastap qural-saiman men azyq-túlik alyp, qymbat metaldy óndirý úshin shahtaǵa túskeni anyqtaldy.
Kúdiktiler shahtada 10 kúnnen astam ýaqytta bolǵan. Olar kendi qapqa jinap qoiǵanymen, qylmysty aiaqtai almaǵan.
Kenshiler buzaqylardy qylmys ornynda ustady.
Atalǵan derekke qatysty QR Qylmystyq kodeksiniń 24-baby 3-bóligi, 188-baby 3-bóligi boiynsha sotqa deiingi tergeý amaldary bastaldy.
Zattai aiǵaqtar alyndy. Birqatar qajetti saraptamalar taǵaiyndalǵan.
Qazirgi ýaqytta politsiia qyzmetkerleri úshinshi sybailasyn izdestirip jatyr.
