جامبىل وبلىسىندا ٷش ادام ٶنەركەسٸپتٸك كومپانييانىڭ شاحتاسىنان التىن رۋداسىن ۇرلاماق بولدى, دەپ حابارلايدى قازاقپارات.
بۇل تۋرالى پوليتسييا بٶلٸمٸنە وسى كەسٸپورىننىڭ قىزمەتكەرلەرٸ حابارلادى.
جەبٸرلەنۋشٸ تاراپتىڭ ايتۋىنشا, بەلگٸسٸز تۇلعالار كومپانييانىڭ كٷزەتٸلەتٸن اۋماعىنا كٸرٸپ, تەرەڭدٸگٸ 100 مەتر شاحتاعا تٷسٸپ, قۇرامىندا التىن بار 3 قاپ كەن ۇرلاماق بولعان.
مويىنقۇم اۋدانىنىڭ پوليتسييا قىزمەتكەرلەرٸ وسى قىلمىسقا قاتىسى بار دەگەن كٷدٸكپەن 1976 جەنە 1977 جىلى تۋعان ەكٸ ەر ادامدى ۇستادى.
كٷدٸكتٸلەر اقمولا وبلىسى مەن نۇر-سۇلتان قالاسىنىڭ تۇرعىندارى بولىپ شىقتى.
تەرگەۋ بارىسىندا ٷش ەر ادام الدىن الا سٶز بايلاسىپ, 26 مامىردان باستاپ قۇرال-سايمان مەن ازىق-تٷلٸك الىپ, قىمبات مەتالدى ٶندٸرۋ ٷشٸن شاحتاعا تٷسكەنٸ انىقتالدى.
كٷدٸكتٸلەر شاحتادا 10 كٷننەن استام ۋاقىتتا بولعان. ولار كەندٸ قاپقا جيناپ قويعانىمەن, قىلمىستى اياقتاي الماعان.
كەنشٸلەر بۇزاقىلاردى قىلمىس ورنىندا ۇستادى.
اتالعان دەرەككە قاتىستى قر قىلمىستىق كودەكسٸنٸڭ 24-بابى 3-بٶلٸگٸ, 188-بابى 3-بٶلٸگٸ بويىنشا سوتقا دەيٸنگٸ تەرگەۋ امالدارى باستالدى.
زاتتاي ايعاقتار الىندى. بٸرقاتار قاجەتتٸ ساراپتامالار تاعايىندالعان.
قازٸرگٸ ۋاقىتتا پوليتسييا قىزمەتكەرلەرٸ ٷشٸنشٸ سىبايلاسىن ٸزدەستٸرٸپ جاتىر.
