Asqar Myrzahmetov: Moratorii normalary aýyl sharýashylyǵy maqsatyna berilgen jerlerdiń barlyǵyna taratylady, - dep habarlaidy "Ult aqparat" QR AShM baspasóz qyzmetine silteme jasap.
Búgin QR premer-ministriniń orynbasary - Aýyl sharýashylyǵy ministri Asqar Myrzahmetov QR Parlament Senatynda Jer zańnamalary jobalaryna engizilmek ózgeristerdiń mán-jaiyn aitty. Senat depýtattary vitse-premerden Jer ýchaskeleri aýyl sharýashylyǵyn júrgizýge bailanysty obektilerdi salý úshin berilgende aǵymdaǵy moratoriidiń olarǵa taratylýy jáne ol nysandar aýyl sharýashylyǵy maqsatyndaǵy jerlerde ornalasqan jaǵdaiyna qatysty saýaldar qoidy.
"Moratorii normalary aýyl sharýashylyǵy maqsatyna berilgen jerlerdiń barlyǵyna taratylady, iaǵni, aýyl sharýashylyǵy maqsatyndaǵy jerler bolǵandyqtan, tek jeke jalǵa beriledi, jeke menshikke berilmeidi. Eger qurylys astyndaǵy jer ýchaskesin ǵana nysanasyn basqa sanatqa aýystyrǵan jaǵdaida ǵana jeke menshikke alýǵa quqyly", - dep jaýap berdi Myrzahmetov.
Aita keteiik, jiynda "Qazaqstan Respýblikasy Jer kodeksiniń jekelegen normalarynyń qoldanysyn jáne "Qazaqstan Respýblikasynyń Jer kodeksine ózgerister men tolyqtyrýlar engizý týraly" 2015 jylǵy 2 qarashadaǵy QR Zańynyń qoldanysqa engizilýin toqtata turý týraly" QR Zańyna ózgerister engizý týraly" QR Zańynyń jobasy qaraldy.
.jpeg)