Moody's Investors Service halyqaralyq reiting agenttigi («Moody's») ForteBank-tiń uzaq merzimdi depozittik reitingisin «Turaqty» boljammen B1-den Ba3-ke deiin taǵy bir ret kóterý týraly sheshim qabyldady.
Ótken jyldyń shilde aiynda da Moody’s reiting agenttigi ForteBank depozitteri boiynsha uzaq merzimdi reitingti B3-ten B1-ge deiin (birden eki satyǵa) «Turaqty boljammen» kótergen bolatyn.
Moody’s sarapshylarynyń pikirinshe, ForteBank reitingteriniń joǵarylaýy koronavirýstyq shekteý sharalarynyń saldarynan iskerlik qiyndyqtarǵa jáne Qazaqstandaǵy ekonomikalyq belsendiliktiń tómendeýine qaramastan, banktiń kapitalizatsiiasynyń jáne kúshti ótimdiliginiń únemi jaqsarýyna bailanysty.
Ótken jyldary ForteBank tabystyń turaqty ósýin jáne nesieleýdiń qalypty artýyn kórsetti. Bul qazaqstandyq qarjy uiymyna óziniń turaqtylyǵyn edáýir jaqsartýǵa múmkindik berdi. ForteBank-tiń ótimdiligi de joǵary deńgeide qalady, bank nesie berýdegi konservativti tásildi saqtai otyryp, óziniń depozittik bazasyn belsendi túrde kóbeitip keledi.
ForteBank basqarmasynyń Tóraǵasy Gýram Andronikashvili reitingtiń joǵarlaǵany týraly aitty.
«Moody’s halyqaralyq reiting agenttigi ForteBank komandasynyń eldegi eń turaqty bankterdiń birin qurýdaǵy jumysyn joǵary baǵalady. 2020 jyldyń qarashasynda Fitch Ratings ForteBank-tiń reitingterin jaqsartqan edi. Pandemiiamen bailanysty kúrdeli naryqtyq jaǵdailarǵa qaramastan, ForteBank qarjylyq jáne operatsiialyq nátijelerin saqtap keledi. Reitingtiń jańartylýy durys tańdalǵan damý strategiiasyn, tiimdi belsendilikti jáne bizdiń klientter tarapynan bankke degen úlken senimdilikti rastaidy», - dedi ol.
