Mońǵoliianyń Dýndgov aimaǵy Nogoontal (Jasyl dala) degen jerden buryn beimálim bolyp kelgen túrki ǵuryptyq kesheni tabyldy. Bul týraly Halyqaralyq Túrki akademiiamysynyń prezidenti Darhan Qydyráli áleýmettik jelidegi paraqshasynda jazdy, dep habarlaidy "Ult aqparat".
«Negizinen buǵan deiin túrki hanzadalary men bekteriniń iri keshenderi Mońǵoliianyń ortalyq aimaǵy Orhon, Týýl ózeni alqabynan tabylyp kelgen edi. Eldiń soltústik tarapyndaǵy Gobi shóli aimaǵynan mundai eskertkishter asa sirek kezdesetindikten, ony tiianaqty zertteý kóne túrki mádenieti arealyn keńeite túsýge múmkindik týdyrady. Bul jádigerlerdi zerttep zerdeleýdiń túrki tarihyna olja salary anyq», – dep jazdy Akademiia basshysy.
Tabylǵan keshenniń aýmaǵy 2.5h2.5 m, sharshy pishindi. Keshende ornalasqan jaipaq tasattyq tasqa múiiz ben gúl tárizdi oiý-órnekter oimyshtap aiqyn beinelengen.
Ǵuryptyq keshende biiktigi 2 metrden asatyn 4 dana tik syntas anyqtaldy. Keshen kóne túrki aqsúiek bekzadasynyń tiesili dep joramaldanýda.
Aita ketý kerek, Túrki akademiiasy Mońǵoliianyń Ulttyq mýzeiimen birlesip 2016 jyldan beri «Kerýlen» jobasy aiasynda Hentii aimaǵy Delgerhaan sumynynda Haiaahýdag, Gúnbúrd túrki keshenderine arheologiialyq qazba júrgizip, kóshpendilerdiń mádenietine qatysty eleýli jańalyqtar ashqan bolatyn.
Akademiia men Mońǵoliia Ulttyq mýzeii aldaǵy ýaqytta jańadan tabylǵan nysanda zertteý jasaýdy josparlap otyr.
