Mońǵoliiada koronavirýs juqtyrdy dep tirkelgen 15 adamnyń barlyǵy basqa elderden kelgen, dep habarlaidy MONTsAME agenttigi.
Mońǵoliianyń Infektsiialyq aýrýlardy ulttyq zertteý ortalyǵyndaǵy oqshaýlaǵyshyna jatqyzylǵan Túrkiia azamatynan koronavirýsqa alynǵan synama qorytyndysy oń nátije kórsetti. Bul týraly búgin Mońǵoliia Densaýlyq saqtaý ministrliginiń brifinginde ortalyqtyń direktory D.Niamhúú málim etti. Bul eldegi tirkelgen koronavirýsqa shaldyǵýdyń 15-shi oqiǵasy.
Eske sala keteiik, Túrkiia azamaty 28 naýryzda Mońǵoliianyń Ulanbatyr qalasyna charterlik reispen kelgen. Ol Túrkiia Elshiligi qyzmetkeriniń jaqyny, onymen birge otbasynyń taǵy eki múshesi bolǵan. Olar kelgen kezde, birden oqshaýlaǵyshqa jabylǵan. 1 sáýirde Mońǵoliia DSM ekeýiniń koronavirýsqa shaldyqqanyn rastady, alty kún ótken soń, Túrkiianyń úshinshi azamatynan da indet anyqtalǵan.
6 sáýirdegi jaǵdai boiynsha, Mońǵoliiada jańa tiptegi koronavirýs juqtyrýdyń 15 oqiǵasy tirkeldi, 13 adam statsionarda em qabyldap jatyr, taǵy ekeýi dertten jazylyp, úiine karantinge oqshaýlanǵan.
Búginde elde 248 adam dárigerlerdiń baqylaýynda. Aldaǵy kúnderi Tokiodan ushatyn charterlik reisten Mońǵoliianyń 184 azamaty evakýatsiialanady.
