موڭعولييادا كوروناۆيرۋس جۇقتىردى دەپ تٸركەلگەن 15 ادامنىڭ بارلىعى باسقا ەلدەردەن كەلگەن, دەپ حابارلايدى مونتسامە اگەنتتٸگٸ.
موڭعولييانىڭ ينفەكتسييالىق اۋرۋلاردى ۇلتتىق زەرتتەۋ ورتالىعىنداعى وقشاۋلاعىشىنا جاتقىزىلعان تٷركييا ازاماتىنان كوروناۆيرۋسقا الىنعان سىناما قورىتىندىسى وڭ نەتيجە كٶرسەتتٸ. بۇل تۋرالى بٷگٸن موڭعولييا دەنساۋلىق ساقتاۋ مينيسترلٸگٸنٸڭ بريفينگٸندە ورتالىقتىڭ ديرەكتورى د.نيامحٷٷ مەلٸم ەتتٸ. بۇل ەلدەگٸ تٸركەلگەن كوروناۆيرۋسقا شالدىعۋدىڭ 15-شٸ وقيعاسى.
ەسكە سالا كەتەيٸك, تٷركييا ازاماتى 28 ناۋرىزدا موڭعولييانىڭ ۇلانباتىر قالاسىنا چارتەرلٸك رەيسپەن كەلگەن. ول تٷركييا ەلشٸلٸگٸ قىزمەتكەرٸنٸڭ جاقىنى, ونىمەن بٸرگە وتباسىنىڭ تاعى ەكٸ مٷشەسٸ بولعان. ولار كەلگەن كەزدە, بٸردەن وقشاۋلاعىشقا جابىلعان. 1 سەۋٸردە موڭعولييا دسم ەكەۋٸنٸڭ كوروناۆيرۋسقا شالدىققانىن راستادى, التى كٷن ٶتكەن سوڭ, تٷركييانىڭ ٷشٸنشٸ ازاماتىنان دا ٸندەت انىقتالعان.
6 سەۋٸردەگٸ جاعداي بويىنشا, موڭعولييادا جاڭا تيپتەگٸ كوروناۆيرۋس جۇقتىرۋدىڭ 15 وقيعاسى تٸركەلدٸ, 13 ادام ستاتسيوناردا ەم قابىلداپ جاتىر, تاعى ەكەۋٸ دەرتتەن جازىلىپ, ٷيٸنە كارانتينگە وقشاۋلانعان.
بٷگٸندە ەلدە 248 ادام دەرٸگەرلەردٸڭ باقىلاۋىندا. الداعى كٷندەرٸ توكيودان ۇشاتىن چارتەرلٸك رەيستەن موڭعولييانىڭ 184 ازاماتى ەۆاكۋاتسييالانادى.
