Moldovanyń Ortalyq sailaý komissiiasy jariialaǵan sailaý nátijesi eki aptadan keiin elde prezident sailaýynyń ekinshi kezeńi ótýi múmkin ekenin kórsetti. Óitkeni birde-bir kandidat sailaýshylardyń 51% daýysyn jinai almady, dep habarlaidy "Ult aqparat" Moldpresske silteme jasap.
Hattamalardyń 94%-dan astamy óńdelgennen keiin azamattardyń shamamen 35%-y táýelsiz kandidat Igor Dodonǵa daýys bergen, al 32%-dan astamy «Áreket jáne yntymaqtastyq» partiiasynyń kandidaty Maiia Sandýdy qoldaǵany belgili boldy.
OSK usynǵan qazirgi málimetter boiynsha, saǵat 24.00-ge deiin Moldovada prezident sailaýy kezinde ashylǵan 2143 ýchaskeden 2019 (94,21%) hattama óńdeldi. Osylaisha sailaýshylardyń shamamen 17%-y «Bizdiń partiiamyzdyń» kandidaty Renato Ýsatyiǵa, al 7%-y «Shor» partiiasynyń kandidaty Violetta Ivanovaǵa daýys bergen.
«Abyroi men shyndyq platformasy» partiiasynyń kandidaty Andrei Nestase shamamen 3%, al Ulttyq birlik partiiasynyń kandidaty Oktavian Tsiký shamamen 2% daýys jinaǵan. Moldavanyń liberal-demokratiialyq partiiasynyń kandidaty Týdor Delige, «UNIREA» blogynan Dorin Kirtoakege sailaýshylardyń bir paiyzy daýys bergen.
OSK málimetteri boiynsha, 21.00-ge deiin 1 214 378 adam, iaǵni sailaýshylardyń 42,7%-y daýys berýge kelgen.
