Tanymal prodiýser, ánshi Móldir Muqan burynǵy jubaiy Tursynbek Qabatovtyń aýyrǵan kezin eske alyp, sol sátte janynda bolǵanyn aitty, dep habarlaidy ult.kz.
Óner iesiniń aitýynsha, bul kezeń onyń ómirindegi eń aýyr sátterdiń biri bolǵan.
«Aýyrǵan kezde ózim qasynda boldym. Sol sátterden foto-videolar áli bar. Ony bir dáleldeiin degen dúnie emes. Árine, meniń júregime tiedi. Ol sát men úshin óte aýyr», – dedi ol.
Móldir Muqannyń sózinshe, Tursynbek Qabatov aýyryp qalǵan ýaqytta ol Astanaǵa jańa ǵana ushyp kelgen.
«Sóitip qulap qaldy degen habar keldi. Birden keshki saǵat segizdegi ushaqqa qaitadan bilet aldym. Qasymda qurbym qoldap-qolpashtady. Sol kezde men ózim qulap qalýǵa shaq turdym. Kóz aldyma neshe túrli dúnieler keldi. Qazir dáriger qandai habar beredi degen qorqynyshty oilar boldy», – dedi ol.
Sondai-aq ol Almatyǵa jetkennen keiin aýrýhanaǵa barǵanyn aitty.
«1 jarym saǵattyq jol 1 jarym ǵasyrdai boldy. Aýrýhanada dárigerler birden meni reanimatsiiaǵa apardy. Biraq kirgizbedi. Tursynbekpen videomen sóilestik. Ekeýmiz eki jaqtan eńirep jyladyq. Emdelgenshe qaita-qaita kelip júrdim», – dep eske aldy prodiýser.
