تانىمال پروديۋسەر, ەنشٸ مٶلدٸر مۇقان بۇرىنعى جۇبايى تۇرسىنبەك قاباتوۆتىڭ اۋىرعان كەزٸن ەسكە الىپ, سول سەتتە جانىندا بولعانىن ايتتى, دەپ حابارلايدى ult.kz.
ٶنەر يەسٸنٸڭ ايتۋىنشا, بۇل كەزەڭ ونىڭ ٶمٸرٸندەگٸ ەڭ اۋىر سەتتەردٸڭ بٸرٸ بولعان.
«اۋىرعان كەزدە ٶزٸم قاسىندا بولدىم. سول سەتتەردەن فوتو-ۆيدەولار ەلٸ بار. ونى بٸر دەلەلدەيٸن دەگەن دٷنيە ەمەس. ەرينە, مەنٸڭ جٷرەگٸمە تيەدٸ. ول سەت مەن ٷشٸن ٶتە اۋىر», – دەدٸ ول.
مٶلدٸر مۇقاننىڭ سٶزٸنشە, تۇرسىنبەك قاباتوۆ اۋىرىپ قالعان ۋاقىتتا ول استاناعا جاڭا عانا ۇشىپ كەلگەن.
«سٶيتٸپ قۇلاپ قالدى دەگەن حابار كەلدٸ. بٸردەن كەشكٸ ساعات سەگٸزدەگٸ ۇشاققا قايتادان بيلەت الدىم. قاسىمدا قۇربىم قولداپ-قولپاشتادى. سول كەزدە مەن ٶزٸم قۇلاپ قالۋعا شاق تۇردىم. كٶز الدىما نەشە تٷرلٸ دٷنيەلەر كەلدٸ. قازٸر دەرٸگەر قانداي حابار بەرەدٸ دەگەن قورقىنىشتى ويلار بولدى», – دەدٸ ول.
سونداي-اق ول الماتىعا جەتكەننەن كەيٸن اۋرۋحاناعا بارعانىن ايتتى.
«1 جارىم ساعاتتىق جول 1 جارىم عاسىرداي بولدى. اۋرۋحانادا دەرٸگەرلەر بٸردەن مەنٸ رەانيماتسيياعا اپاردى. بٸراق كٸرگٸزبەدٸ. تۇرسىنبەكپەن ۆيدەومەن سٶيلەستٸك. ەكەۋمٸز ەكٸ جاقتان ەڭٸرەپ جىلادىق. ەمدەلگەنشە قايتا-قايتا كەلٸپ جٷردٸم», – دەپ ەسكە الدى پروديۋسەر.
