Aty ańyzǵa ainalǵan Muhammed Álidiń nemeresi, orta salmaqta óner kórsetetin boksshy Niko Ali Ýolsh (7-0, 5 KO) kýbalyq David Morrelmen (8-0, 7 KO) kezdesýden keiin komaǵa túsken qazaqstandyq Aidos Erbosynulyna (16-1, 11 KO) qoldaý bildirdi, dep habarlaidy "Ult aqparat".
"Ótinish, musylman baýyrymyz Aidos Erbosynulynyń tez saýyǵyp ketýi úshin kóbirek duǵa qylyńyzdarshy", - dep jazdy Ýolsh Twitter paraqshasynda.
Erbosynuly Morrelge qarsy kezdesýdiń 12-raýndynda nokaýtpen jeńilgen edi. Kezdesýden keiin ony Hennepin aimaǵyndaǵy Meditsinalyq ortalyqqa alyp ketti.
Aita keteiik, osyǵan deiin otandasymyzǵa meksikalyq boksshy Saýl "Kanelo" Alvares (58-2-2, 39 KO) te qoldaý bildirgen bolatyn.
