اتى اڭىزعا اينالعان مۇحاممەد ەليدٸڭ نەمەرەسٸ, ورتا سالماقتا ٶنەر كٶرسەتەتٸن بوكسشى نيكو الي ۋولش (7-0, 5 KO) كۋبالىق داۆيد موررەلمەن (8-0, 7 كو) كەزدەسۋدەن كەيٸن كوماعا تٷسكەن قازاقستاندىق ايدوس ەربوسىنۇلىنا (16-1, 11 كو) قولداۋ بٸلدٸردٸ, دەپ حابارلايدى "ۇلت اقپارات".
"ٶتٸنٸش, مۇسىلمان باۋىرىمىز ايدوس ەربوسىنۇلىنىڭ تەز ساۋىعىپ كەتۋٸ ٷشٸن كٶبٸرەك دۇعا قىلىڭىزدارشى", - دەپ جازدى ۋولش Twitter پاراقشاسىندا.
ەربوسىنۇلى موررەلگە قارسى كەزدەسۋدٸڭ 12-راۋندىندا نوكاۋتپەن جەڭٸلگەن ەدٸ. كەزدەسۋدەن كەيٸن ونى حەننەپين ايماعىنداعى مەديتسينالىق ورتالىققا الىپ كەتتٸ.
ايتا كەتەيٸك, وسىعان دەيٸن وتانداسىمىزعا مەكسيكالىق بوكسشى ساۋل "كانەلو" الۆارەس (58-2-2, 39 كو) تە قولداۋ بٸلدٸرگەن بولاتىن.
