Qazaqstandyq sportshy Dmitrii Reiherd Beijiń Olimpiadasynyń finalyna joldama aldy, dep habarlaidy "Ult aqparat".
Búgin fristail-mogýldan erler arasynda irikteý kezeńderi ótti. Qazaqstan quramasynan Pavel Kolmakov pen Dmitrii Reiherd qatysty.
Irikteý kezeńinde 74.90 upaiyn enshilegen Reiherd finalǵa shyqty. Al Kolmakov irikteý kezeńin 11 orynmen aiaqtady.
Final elorda ýaqytymen saǵat 17:30-da bastalady.
Eske sala keteiik, Beijińde sporttyń jeti túrinen 109 medal jiyntyǵy sarapqa salynady. XXIV qysqy Olimpiada oiyndaryna Qazaqstan quramasynan barlyǵy 34 sportshy qatysýda. Olar 87 joldama jeńip aldy. Qazaqstandyqtar shańǵy jarysy, fristail, akrobatika jáne mogýl, konkimen júgirý, short-trek, biatlon, taý shańǵysy, tuǵyrdan sekirý, shańǵy qossaiysy siiaqty 8 sport túrinen synǵa túspek.
