قازاقستاندىق سپورتشى دميتريي رەيحەرد بەيجٸڭ وليمپياداسىنىڭ فينالىنا جولداما الدى, دەپ حابارلايدى "ۇلت اقپارات".
بٷگٸن فريستايل-موگۋلدان ەرلەر اراسىندا ٸرٸكتەۋ كەزەڭدەرٸ ٶتتٸ. قازاقستان قۇراماسىنان پاۆەل كولماكوۆ پەن دميتريي رەيحەرد قاتىستى.
ٸرٸكتەۋ كەزەڭٸندە 74.90 ۇپايىن ەنشٸلەگەن رەيحەرد فينالعا شىقتى. ال كولماكوۆ ٸرٸكتەۋ كەزەڭٸن 11 ورىنمەن اياقتادى.
فينال ەلوردا ۋاقىتىمەن ساعات 17:30-دا باستالادى.
ەسكە سالا كەتەيٸك, بەيجٸڭدە سپورتتىڭ جەتٸ تٷرٸنەن 109 مەدال جيىنتىعى ساراپقا سالىنادى. XXIV قىسقى وليمپيادا ويىندارىنا قازاقستان قۇراماسىنان بارلىعى 34 سپورتشى قاتىسۋدا. ولار 87 جولداما جەڭٸپ الدى. قازاقستاندىقتار شاڭعى جارىسى, فريستايل, اكروباتيكا جەنە موگۋل, كونكيمەن جٷگٸرۋ, شورت-ترەك, بياتلون, تاۋ شاڭعىسى, تۇعىردان سەكٸرۋ, شاڭعى قوسسايىسى سيياقتى 8 سپورت تٷرٸنەن سىنعا تٷسپەك.
