Foto: Ashyq derekkózden
Qarjy ministri Mádi Tákiev mobildi aýdarymdarǵa shekteý engizilgennen keiin jeke kásipker retinde tirkelgen adamdardyń kóbeigenin málimdedi, dep habarlaidy "Ult aqparat" Sputnik Qazaqstanǵa silteme jasap.
Búginde úsh aidyń ishinde bir nómirge ártúrli adamdardan túsetin aýdarymdardyń sany 100-den aspaýy tiis. Odan kóp bolyp ketse, baqylaý sharalary bastalady. Jyldyń basynda barlyǵy dúrligip ketti, qolma-qol aqsha izdei bastady. Degenmen jeke kásipker retinde tirkelgenderdiń sany aitarlyqtai ósti.
"Qazirgi kezde jaǵdai tynyshtaldy, qolma-qol aqshanyń kólemi azaiyp keledi. Adamdar qaitadan mobildi aýdarymdarǵa kóship jatyr. Qańtar aiynda shamamen 75 myń jeke kásipker tirkeldi. Buryn bir aida 2-3 myń adam tirkeletin. Al aqpan aiynda 70 myń jeke kásipker tirkeldi. Demek adamdar kásibin zańdastyryp jatyr", - dedi Tákiev úkimettiń búgingi otyrysynda.
Ministrdiń aitýynsha, qazirgi kezde taǵy bir shekteý talqylanyp jatyr. Oǵan sáikes, úsh aida bir adamǵa jiberilgen mobildi aýdarymdardyń jalpy somasy 255 myń teńgeden aspaýy qajet.
Zań boiynsha bir jyldyq tabysy 12 eń tómengi jalaqydan asatyn, iaǵni, shamamen 1 million teńgeni quraityn adamdar jeke kásipker retinde tirkelýge mindetti.
