فوتو: اشىق دەرەككٶزدەن
قارجى مينيسترٸ مەدي تەكيەۆ موبيلدٸ اۋدارىمدارعا شەكتەۋ ەنگٸزٸلگەننەن كەيٸن جەكە كەسٸپكەر رەتٸندە تٸركەلگەن ادامداردىڭ كٶبەيگەنٸن مەلٸمدەدٸ, دەپ حابارلايدى "ۇلت اقپارات" Sputnik قازاقستانعا سٸلتەمە جاساپ.
بٷگٸندە ٷش ايدىڭ ٸشٸندە بٸر نٶمٸرگە ەرتٷرلٸ ادامداردان تٷسەتٸن اۋدارىمداردىڭ سانى 100-دەن اسپاۋى تيٸس. ودان كٶپ بولىپ كەتسە, باقىلاۋ شارالارى باستالادى. جىلدىڭ باسىندا بارلىعى دٷرلٸگٸپ كەتتٸ, قولما-قول اقشا ٸزدەي باستادى. دەگەنمەن جەكە كەسٸپكەر رەتٸندە تٸركەلگەندەردٸڭ سانى ايتارلىقتاي ٶستٸ.
"قازٸرگٸ كەزدە جاعداي تىنىشتالدى, قولما-قول اقشانىڭ كٶلەمٸ ازايىپ كەلەدٸ. ادامدار قايتادان موبيلدٸ اۋدارىمدارعا كٶشٸپ جاتىر. قاڭتار ايىندا شامامەن 75 مىڭ جەكە كەسٸپكەر تٸركەلدٸ. بۇرىن بٸر ايدا 2-3 مىڭ ادام تٸركەلەتٸن. ال اقپان ايىندا 70 مىڭ جەكە كەسٸپكەر تٸركەلدٸ. دەمەك ادامدار كەسٸبٸن زاڭداستىرىپ جاتىر", - دەدٸ تەكيەۆ ٷكٸمەتتٸڭ بٷگٸنگٸ وتىرىسىندا.
مينيستردٸڭ ايتۋىنشا, قازٸرگٸ كەزدە تاعى بٸر شەكتەۋ تالقىلانىپ جاتىر. وعان سەيكەس, ٷش ايدا بٸر ادامعا جٸبەرٸلگەن موبيلدٸ اۋدارىمداردىڭ جالپى سوماسى 255 مىڭ تەڭگەدەن اسپاۋى قاجەت.
زاڭ بويىنشا بٸر جىلدىق تابىسى 12 ەڭ تٶمەنگٸ جالاقىدان اساتىن, ياعني, شامامەن 1 ميلليون تەڭگەنٸ قۇرايتىن ادامدار جەكە كەسٸپكەر رەتٸندە تٸركەلۋگە مٸندەتتٸ.
