Foto: QR Qarjy ministrligi
Elimizde mobildi aýdarymdar boiynsha aqparattyq túsindirý jumystary jalǵasyp jatyr, dep habarlaidy Kazinform agenttigi.
«Jeke tulǵalar arasynda mobildi aýdarymdardy týystary, áriptesterine jiberý arqyly qabyldaýǵa tyiym joq. Al mobildi aýdarymǵa jatpaityn qyzmet túrler tólemi terminal arqyly júzege asyrylýy tiis. Bul jeke tulǵanyń kásipker ekenin bildiredi», - dedi Qarjy vitse-ministri Erjan Birjanov Ortalyq kommýnikatsiialar qyzmeti alańynda ótken baspasóz máslihatynda.
Vitse-ministrdiń aitýynsha, qazir el aýmaǵynda mobildi aýdarymdarǵa qatysty túsindirý jumystary júrgizilip jatyr. Onyń qatarynda bazarlar, saýda úileri men biznes obektileri bar.
«Biyl jeke kásipkerlerge túsindirý jumystaryn ótkizip, eskertemiz. Kelesi jyldan (2025 jyl) jeke kásipker retinde tirkelgender týraly málimetterdi jinaimyz. Sol arqyly kásipkerdiń zańdy eńbek etip jatqany anyqtalady», - deidi spiker.
