فوتو: قر قارجى مينيسترلٸگٸ
ەلٸمٸزدە موبيلدٸ اۋدارىمدار بويىنشا اقپاراتتىق تٷسٸندٸرۋ جۇمىستارى جالعاسىپ جاتىر, دەپ حابارلايدى Kazinform اگەنتتٸگٸ.
«جەكە تۇلعالار اراسىندا موبيلدٸ اۋدارىمداردى تۋىستارى, ەرٸپتەستەرٸنە جٸبەرۋ ارقىلى قابىلداۋعا تىيىم جوق. ال موبيلدٸ اۋدارىمعا جاتپايتىن قىزمەت تٷرلەر تٶلەمٸ تەرمينال ارقىلى جٷزەگە اسىرىلۋى تيٸس. بۇل جەكە تۇلعانىڭ كەسٸپكەر ەكەنٸن بٸلدٸرەدٸ», - دەدٸ قارجى ۆيتسە-مينيسترٸ ەرجان بٸرجانوۆ ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
ۆيتسە-مينيستردٸڭ ايتۋىنشا, قازٸر ەل اۋماعىندا موبيلدٸ اۋدارىمدارعا قاتىستى تٷسٸندٸرۋ جۇمىستارى جٷرگٸزٸلٸپ جاتىر. ونىڭ قاتارىندا بازارلار, ساۋدا ٷيلەرٸ مەن بيزنەس وبەكتٸلەرٸ بار.
«بيىل جەكە كەسٸپكەرلەرگە تٷسٸندٸرۋ جۇمىستارىن ٶتكٸزٸپ, ەسكەرتەمٸز. كەلەسٸ جىلدان (2025 جىل) جەكە كەسٸپكەر رەتٸندە تٸركەلگەندەر تۋرالى مەلٸمەتتەردٸ جينايمىز. سول ارقىلى كەسٸپكەردٸڭ زاڭدى ەڭبەك ەتٸپ جاتقانى انىقتالادى», - دەيدٸ سپيكەر.
