Foto: ashyq derekkóz
Mobildi aýdarym sol kúii qalady, biraq onyń ólshemsharttary men tetikteri qaita qaralady. Bul týraly úkimet músheleri málimdedi, dep habarlaidy «Ult aqparat» Sputnik Qazaqstanqa silteme jasap.
Premer-ministrdiń orynbasary – ulttyq ekonomika ministri Nurlan Baibazarovtyń aitýynsha, mobildi aýdarymdardy tekserý máselesi qaita qaralady.
"Bul – óte sezimtal másele. Sondyqtan maǵan ony taǵy bir ret qaraý týraly tapsyrma berilgen. Biz qarjylyq-ekonomikalyq bloktyń ishinde bul máseleni qarastyramyz. Ólshemsharttaryn, tetikterin áli de egjei-tegjeili qaraimyz. Bul suraqqa qaita oralamyz", – dedi ol úkimette ótken brifingte.
Qarjy ministri Mádi Tákiev mobildi aýdarymdardy tekserý qalatynyn atap ótti.
"Mobildi aýdarymdar qalady, biraq áli qaraimyz. Jeke kásipkerdi qalai anyqtaisyz? Taǵy da aitaiyn, biz – quqyqtyq memleketpiz. Ádiletti memleketpiz, durys pa? Siz ben biz osy zańnyń saqtalýyn qaraýymyz kerek. Bireýler tóleidi, bireýler tólemeidi. Ádildik bolý kerek. Iaǵni, bári salyq tóleý kerek. Biraq árkimniń óz mólsheri bolatyny túsinikti", – deidi ol.
Aitýynsha, qazir úkimet túrli rejimderdi qarastyryp jatyr.
Buǵan deiin jeke shottaryna ai saiyn qatarynan úsh ai boiy 100 jáne odan da kóp adamnan mobildi aýdarym túsken tulǵalar baqylaýǵa alynatyny habarlanǵan edi.
