Týrizm jáne sport vitse-ministri Serik Jarasbaev mánerlep syrǵanaýdan Olimpiada jeńimpazy Mihail Shaidorovtyń ainalasynda órbigen áńgimege qatysty túsinikteme berip, kelisimshartqa qol qoiyldy, másele retteldi dep málimdedi, dep habarlaidy ult.kz.
"Mihail Shaidorov Qazaqstan sportynyń ańyzy. Ol óz atyn Qazaqstan sporty tarihyna altyn árippen jazǵan adam. Biz Mihaildyń barlyq bastamalaryn qoldaimyz jáne jańa jeńister tileimiz. Barlyǵy aityp jatqan kelisimshart boiynsha aitqym keletini, Mihail oǵan qol qoidy jáne qol qoiý quqyqtyq negizde júrdi. Eki jaq ózara ortaq kelisimge kelip, barlyq bólimderi talqylandy jáne búgingi kuni kelisimshar jasalǵan. Kelisimshart jasala salysymen biz ony jumysqa alyp, kelisimshart negizindegi barlyq talaptar oryndalyp, qajetti sommalar tólenedi.
Aita keterligi Mihail aldaǵy maýsymǵa daiyndyq úshin 5 maýsymda AQSh-qa jolǵa shyǵady. Jaqynda aldaǵy olimpiada oiyndaryna daiyndyq týraly talqylaý úshin Mihail Týrizm jáne sport ministrligine keledi", dep otyr vitse-ministr.
Oqi otyryńyz: «Meni jazalaǵysy keletindei»: Mihail Shaidorov jalaqysyz qalǵanyn aitty
