Kasper Kaspi Magazinde taýardy senimdi tańdaýǵa kómektesedi: ol klienttiń suranysyn túsinedi, naqtylaityn suraqtar qoiady, nusqalardy salystyrady, kúrdeli terminderdi qarapaiym tilmen túsindiredi jáne eń úzdik taýardy tańdaýǵa kómektesedi.
Almaty, 1 shilde 2026 jyl — Kaspi.kz basshysy ári negizin qalaýshylardyń biri Mihail Lomtadze Kaspi Magazindegi jańa AI-kómekshi – Kasper-di tanystyrdy. Tanystyrylym Almaty qalasynda «Qalyptan shyǵý ýaqyty keldi!» uransózimen ótti.
Kasper — Kaspi.kz innovatsiialary tarihyndaǵy jańa kezeń. Buǵan deiin klientter taýarlardy kilt sózder arqyly izdep, sipattamalaryn salystyryp, pikirlerdi oqyp, kóptegen nusqanyń ishinen tańdaý jasaityn. Endi óz qajettiligińizdi qarapaiym sózben jetkizý jetkilikti — Kasper dál sizge sáikes keletin taýardy tańdaýǵa kómektesedi.
Mysaly: «Páterge shańsorǵysh tańdaýǵa kómektesshi. Úide kilem, plitka jáne mysyq bar» nemese «Jaqsy kamerasy men úlken ekrany bar smartfon kerek». Kasper naqtylaityn suraqtar qoiyp, laiyqty taýarlardy usynady, olardy salystyrady jáne olardyń aiyrmashylyǵyn qarapaiym tilmen túsindirip, qaisysy sizdiń qajettiligińizge kóbirek sáikes keletinin kórsetedi.
Kaspi.kz basshysy ári negizin qalaýshylardyń biri Mihail Lomtadze:
«Biz úshin innovatsiia — bir kún ǵana tańǵaldyratyn jańa tehnologiia ǵana emes. Naǵyz innovatsiia — tehnologiia milliondaǵan adamǵa paidaly bolyp, olardyń kúndelikti ómiriniń bir bóligine ainalýy kerek.
Biz árdaiym súiikti klientterimizdiń ómirin jaqsartýǵa umtylamyz. Kaspi Magazindi iske qosqanda maqsatymyz óte qarapaiym boldy: árbir qazaqstandyq barlyǵyn bir jerden satyp alýy kerek. Búginde Kaspi Magazinde 106 myń satýshy, 20 million taýar, baǵalar, pikirler, reitingter, tolyq sipattamalar men taýarlar týraly aqparat — barlyǵy klienttiń ainalasyna toptastyrylǵan.
Biz «qaidan satyp alý kerek?» degen máseleni sheshtik. Biraq tańdaý múmkindigi óte aýqymdy bola túsken kezde jańa mindet paida boldy — klientke senimdi tańdaý jasaýǵa kómektesý. Ár adam árbir taýar boiynsha sarapshy bolýy mindetti emes. Endi ózińizge ne qajet ekeni týraly jai ǵana tapsyrma berseńiz jetkilikti, Kasper túsinýge, salystyrýǵa, kúrdeli terminderdi qarapaiym tilmen túsindirýge jáne ózińiz úshin eń jaqsy nusqany tańdaýǵa kómektesedi.
Kasper — bizdiń úlken maqsatymyzǵa bastaityn alǵashqy qadam: árbir qazaqstandyqqa kúndelikti mindetterdi sheshýge kómektesetin jeke AI-kómekshi usyný. Buryn jeke kómekshi sanaýly adamdarda ǵana bolatyn. Biz árbir klientimizdiń jeke AI-kómekshisi bolǵanyn qalaimyz.
Jańa ári keremet servisterdi úlken shabytpen jasap jatqan komandamyzǵa alǵys aitqym keledi. Sondai-aq bizben birge bolǵany úshin árbir súiikti klientimiz ben seriktesimizge shyn júrekten raqmet!»
Kasper klientterge tańdaý qiyn sátte adaspaýǵa kómektesedi. Ol qoiylǵan mindetti túsinedi, naqtylaityn suraqtar qoiady, taýarlardy salystyrady, aiyrmashylyqtaryn qarapaiym tilmen túsindiredi jáne sizge eń qolaily nusqany tańdaýǵa kómektesedi.
Kasper qazaq jáne orys tilderinde sóilesedi. Oǵan suraqtardy mátin arqyly da, daýyspen de qoiýǵa bolady.
Shilde aiynda Kasper aldymen Almaty qalasyndaǵy klientterge qoljetimdi bolady, keiin birtindep búkil el aýmaǵynda iske qosylady.
Kaspi.kz týraly
Kaspi.kz missiiasy — súiikti klientteri men seriktesteriniń ómirin jaqsartatyn innovatsiialyq ónimder men servister jasaý.
Kaspi.kz servisterin Qazaqstan men Túrkiiada 25 millionnan astam klient jáne 900 myń seriktes paidalanady. Qazaqstanda Kaspi.kz sýperqosymshasy tólemder, elektrondyq kommertsiia, onlain-sýpermarket, finteh, saiahat, habarlandyrýlar, memlekettik qyzmetter jáne basqa da kúndelikti servisterdi biriktiredi.
Túrkiiada Kaspi.kz eldegi jetekshi elektrondyq kommertsiia platformalarynyń biri — Hepsiburada-ǵa ielik etedi.
