Ishki ister ministrligi mitingiler kezinde ustalǵan adamdardy basqa qalalarǵa ne úshin aparyp tastaǵanyn túsindirdi, dep habarlaidy Sputnik Qazaqstan tilshisi.
Ishki ister ministriniń birinshi orynbasary Marat Qojaevtyń aitýynsha, 9 maýsym kúni Nur-Sultanda ustalǵan 500 adamnyń bir bóligi aiyppul tóleýge mindettelse, endi bireýler qamaýǵa alý siiaqty ákimshilik jazaǵa tartyldy.
"Nur-Sultan qalasynyń sýdialary barlyq kináli azamatqa qatysty sot sheshimin shyǵardy. Al jazany óteý jeri ishki ister organdarynyń normativtik aktilerimen bekitilgen. Biz sot sheshimin oryndaimyz. Sondai-aq, kináli azamattardy qai jerde ustaitynymyzdy anyqtaimyz. Shamamen, 200 adamdy biz Aqmola men Qaraǵandy oblystaryna shyǵardyq", - dedi Qojaev jýrnalisterge bergen suhbatynda.
Onyń sózine qaraǵanda, sottar barlyq materialdy bir táýliktiń ishinde qaraidy. Al ishki ister organdary 10 kúndik jazany óteý jerin anyqtaidy.
Aita keteiik, eki kúnniń ishinde Nur-Sultan men Almaty qalasynda 700-ge jýyq adam ustalǵan bolatyn.
"Mitingiler bolǵan birinshi kúni 500 adam ustalǵan edi. Onyń ishinde 400 adam jaýapkershilikke tartyldy. Al ekinshi kúni shamamen 200 adam ishki ister organdaryna jetkizildi. Olardyń arasynda 150-ge tarta adam jaýapkershilikke tartyldy", - dedi minstrliktiń resmi ókili Nurdildá Oraz.
