ٸشكٸ ٸستەر مينيسترلٸگٸ ميتينگٸلەر كەزٸندە ۇستالعان ادامداردى باسقا قالالارعا نە ٷشٸن اپارىپ تاستاعانىن تٷسٸندٸردٸ, دەپ حابارلايدى Sputnik قازاقستان تٸلشٸسٸ.
ٸشكٸ ٸستەر مينيسترٸنٸڭ بٸرٸنشٸ ورىنباسارى مارات قوجاەۆتىڭ ايتۋىنشا, 9 ماۋسىم كٷنٸ نۇر-سۇلتاندا ۇستالعان 500 ادامنىڭ بٸر بٶلٸگٸ ايىپپۇل تٶلەۋگە مٸندەتتەلسە, ەندٸ بٸرەۋلەر قاماۋعا الۋ سيياقتى ەكٸمشٸلٸك جازاعا تارتىلدى.
"نۇر-سۇلتان قالاسىنىڭ سۋديالارى بارلىق كٸنەلٸ ازاماتقا قاتىستى سوت شەشٸمٸن شىعاردى. ال جازانى ٶتەۋ جەرٸ ٸشكٸ ٸستەر ورگاندارىنىڭ نورماتيۆتٸك اكتٸلەرٸمەن بەكٸتٸلگەن. بٸز سوت شەشٸمٸن ورىندايمىز. سونداي-اق, كٸنەلٸ ازاماتتاردى قاي جەردە ۇستايتىنىمىزدى انىقتايمىز. شامامەن, 200 ادامدى بٸز اقمولا مەن قاراعاندى وبلىستارىنا شىعاردىق", - دەدٸ قوجاەۆ جۋرناليستەرگە بەرگەن سۇحباتىندا.
ونىڭ سٶزٸنە قاراعاندا, سوتتار بارلىق ماتەريالدى بٸر تەۋلٸكتٸڭ ٸشٸندە قارايدى. ال ٸشكٸ ٸستەر ورگاندارى 10 كٷندٸك جازانى ٶتەۋ جەرٸن انىقتايدى.
ايتا كەتەيٸك, ەكٸ كٷننٸڭ ٸشٸندە نۇر-سۇلتان مەن الماتى قالاسىندا 700-گە جۋىق ادام ۇستالعان بولاتىن.
"ميتينگٸلەر بولعان بٸرٸنشٸ كٷنٸ 500 ادام ۇستالعان ەدٸ. ونىڭ ٸشٸندە 400 ادام جاۋاپكەرشٸلٸككە تارتىلدى. ال ەكٸنشٸ كٷنٸ شامامەن 200 ادام ٸشكٸ ٸستەر ورگاندارىنا جەتكٸزٸلدٸ. ولاردىڭ اراسىندا 150-گە تارتا ادام جاۋاپكەرشٸلٸككە تارتىلدى", - دەدٸ مينسترلٸكتٸڭ رەسمي ٶكٸلٸ نۇردٸلدە وراز.
