Elde týrizmdi damytýǵa bólingen aqsha «Miss Qazaqstan» baiqaýyn ótkizýge jumsalǵan. Bul týraly Esep komitetiniń múshesi Talǵat Jaqan aitty, dep habarlaidy "Astana" arnasy.
Týristik investitsiialyq forým uiymdastyryp, 5 memorandým bekitýge bólingen 75 mln teńge sulýlyq saiysynyń tek irikteý kezeńine ketken. Tipti, 2017 jyly ótken «EKSPO» kórmesi de bilik josparlaǵandai- elge týrister tarta almady. Shartarapqa saiahattap shyǵatyn týrister sany keletinderden 1,5 esege kóp. Jyl saiyn turǵyndar óz elimizde emes, shetelde demalýǵa 2,7 mlrd teńge jumsaidy.
"Bul Týrizm indýstriiasy komitetiniń qarajatty durys uiymdastyrmaǵany saldarynan bolǵan. Eldiń týristik áleýetin arttyryp, sheteldik jáne otandyq investorlardyń, barlyǵy 250 adamnyń qatysýymen ótýi tiis forýmdar bolmaǵan. Onyń ornyna týrizmge qatysy joq «Miss Qazaqstan» baiqaýynyń irikteýin uiymdastyrǵan", - deidi Respýblikalyq biýdjettiń atqarylýyn baqylaý jónindegi esep komitetiniń múshesi Talǵat Jaqan.
