ەلدە تۋريزمدٸ دامىتۋعا بٶلٸنگەن اقشا «ميسس قازاقستان» بايقاۋىن ٶتكٸزۋگە جۇمسالعان. بۇل تۋرالى ەسەپ كوميتەتٸنٸڭ مٷشەسٸ تالعات جاقان ايتتى, دەپ حابارلايدى "استانا" ارناسى.
تۋريستٸك ينۆەستيتسييالىق فورۋم ۇيىمداستىرىپ, 5 مەموراندۋم بەكٸتۋگە بٶلٸنگەن 75 ملن تەڭگە سۇلۋلىق سايىسىنىڭ تەك ٸرٸكتەۋ كەزەڭٸنە كەتكەن. تٸپتٸ, 2017 جىلى ٶتكەن «ەكسپو» كٶرمەسٸ دە بيلٸك جوسپارلاعانداي- ەلگە تۋريستەر تارتا المادى. شارتاراپقا ساياحاتتاپ شىعاتىن تۋريستەر سانى كەلەتٸندەردەن 1,5 ەسەگە كٶپ. جىل سايىن تۇرعىندار ٶز ەلٸمٸزدە ەمەس, شەتەلدە دەمالۋعا 2,7 ملرد تەڭگە جۇمسايدى.
"بۇل تۋريزم يندۋستريياسى كوميتەتٸنٸڭ قاراجاتتى دۇرىس ۇيىمداستىرماعانى سالدارىنان بولعان. ەلدٸڭ تۋريستٸك ەلەۋەتٸن ارتتىرىپ, شەتەلدٸك جەنە وتاندىق ينۆەستورلاردىڭ, بارلىعى 250 ادامنىڭ قاتىسۋىمەن ٶتۋٸ تيٸس فورۋمدار بولماعان. ونىڭ ورنىنا تۋريزمگە قاتىسى جوق «ميسس قازاقستان» بايقاۋىنىڭ ٸرٸكتەۋٸن ۇيىمداستىرعان", - دەيدٸ رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ مٷشەسٸ تالعات جاقان.
