AQSh-ta prezident sailaýy nátijeleri jariia bola salyp birneshe saǵattan soń myńdaǵan adam áleýmettik jeli arqyly qazirgi prezident Barak Obamanyń jubaiy Mishel Obamany kelesi prezident sailaýyna qatysýǵa shaqyrdy. Bul týraly VVS jazady.
Áleýmettik jeli qoldanýshylary «Mishel Obamanyń 2020 jyly sailaýǵa qatysý múmkindigi mol» dep, oǵan óz kandidatýrasyn usynýdy ótinip jatyr.
Mishel Obama Amerikada óte tanymal tulǵalardyń biri deidi VVS. Gellap qorynyń zertteý málimetteri boiynsha, onyń reitingi qazir 64%-ǵa teń. Iaǵni, jeke bedeli jóninen birinshi ledi Donald Tramptan, Hillari Klintonnan jáne tipti kúieýi Barak Obamadan da joǵary tur. Biylǵy sailaý naýqanyna Mishel Obama belsene qatysyp, demokrattar kandidaty Klintondy qoldaýǵa shaqyratyn birneshe sóz sóilegen bolatyn. Donald Trampty aiyptap sóilegen sózderi tanymal bolǵannan keiin ol tipti «Klintonnyń myqty qarýy» atandy.
Degenmen, jaqtastary úshin bir qiyndyq bar. Naýryz aiynda sóilegen bir sózinde Mishel Obama prezidenttikke múldem umtylmaitynyn aitqan edi. Biraq odan beri kóp nárse ózgerdi deidi VVS.
"Egemen Qazaqstan" gazeti
