اقش-تا پرەزيدەنت سايلاۋى نەتيجەلەرٸ جارييا بولا سالىپ بٸرنەشە ساعاتتان سوڭ مىڭداعان ادام ەلەۋمەتتٸك جەلٸ ارقىلى قازٸرگٸ پرەزيدەنت باراك وبامانىڭ جۇبايى ميشەل وبامانى كەلەسٸ پرەزيدەنت سايلاۋىنا قاتىسۋعا شاقىردى. بۇل تۋرالى ۆۆس جازادى.
ەلەۋمەتتٸك جەلٸ قولدانۋشىلارى «ميشەل وبامانىڭ 2020 جىلى سايلاۋعا قاتىسۋ مٷمكٸندٸگٸ مول» دەپ, وعان ٶز كانديداتۋراسىن ۇسىنۋدى ٶتٸنٸپ جاتىر.
ميشەل وباما امەريكادا ٶتە تانىمال تۇلعالاردىڭ بٸرٸ دەيدٸ ۆۆس. گەللاپ قورىنىڭ زەرتتەۋ مەلٸمەتتەرٸ بويىنشا, ونىڭ رەيتينگٸ قازٸر 64%-عا تەڭ. ياعني, جەكە بەدەلٸ جٶنٸنەن بٸرٸنشٸ لەدي دونالد ترامپتان, حيللاري كلينتوننان جەنە تٸپتٸ كٷيەۋٸ باراك وبامادان دا جوعارى تۇر. بيىلعى سايلاۋ ناۋقانىنا ميشەل وباما بەلسەنە قاتىسىپ, دەموكراتتار كانديداتى كلينتوندى قولداۋعا شاقىراتىن بٸرنەشە سٶز سٶيلەگەن بولاتىن. دونالد ترامپتى ايىپتاپ سٶيلەگەن سٶزدەرٸ تانىمال بولعاننان كەيٸن ول تٸپتٸ «كلينتوننىڭ مىقتى قارۋى» اتاندى.
دەگەنمەن, جاقتاستارى ٷشٸن بٸر قيىندىق بار. ناۋرىز ايىندا سٶيلەگەن بٸر سٶزٸندە ميشەل وباما پرەزيدەنتتٸككە مٷلدەم ۇمتىلمايتىنىن ايتقان ەدٸ. بٸراق ودان بەرٸ كٶپ نەرسە ٶزگەردٸ دەيدٸ ۆۆس.
"ەگەمەن قازاقستان" گازەتٸ
