Qasym-Jomart Toqaevtyń atyna Shavkat Mirziioevtiń Qazaqstan men Ózbekstan arasynda diplomatiialyq qatynas ornaǵanyna 30 jyl tolýyna orai quttyqtaý jedelhaty kelip tústi, - dep habarlaidy "Ult aqparat" Aqorda saityna silteme jasap.
Ózbekstan Prezidenti osy kezeńde mańyzdy nátijelerge qol jetkizilip, halyqtarymyz arasyndaǵy dostyq bailanys nyǵaia túskenine nazar aýdarǵan.
"Sońǵy jyldary bizdiń bailanysymyz ózara senim men qoldaý, zor qurmet jáne tatý kórshilik qarym-qatynas, sondai-aq strategiialyq seriktestik pen odaqtastyq qaǵidattaryna sai qarqyndy damyp keledi. Joǵary deńgeidegi ashyq, konstrýktivti ári belsendi dialog, sondai-aq memleketaralyq jáne úkimetaralyq qarym-qatynastardy retteitin tiimdi praktikalyq mehanizmder bizdiń ózara yntymaqtastyǵymyzdy nyǵaitýǵa berik negiz bolatynyn atap ótkim keledi", – dep jazylǵan quttyqtaý jedelhatynda.
Sonymen qatar, Ózbekstan prezidenti Shavkat Mirziioev 21-23 qarasha kúnderi ótip jatqan Ózbekstannyń Qazaqstandaǵy mádeniet kúnderi tarihy ortaq baýyrlas halyqtardyń dostyq bailanysyn kúsheite túsetinin aita kelip, birlesken sharalar eki eldiń kópjaqty qarym-qatynasyn jańa deńgeige kóteretinine senim bildirdi.
