Qarjy ministri Erulan Jamaýbaev respýblikalyq biýdjet aqshasyn igere almai jatqan ministrlikter men ákimdikterdi atady, dep habarlaidy Sputnik Qazaqstan.
Aitýynsha, memlekettik biýdjettiń shyǵystary 97,5%-ke, respýblikalyq biýdjettiń shyǵystary – 99,4%-ke, jergilikti biýdjetterdiń shyǵystary 95,8%-ke atqaryldy.
"Respýblikalyq biýdjet boiynsha shyǵystar 13 trillion teńgeni qurady. 81 milliard teńge atqarylmady, onyń ishinde 15 milliard teńge únemdelgen. Igerilmegeni – 66 milliard teńge", - dedi Jamaýbaev Úkimet otyrysynda.
Neǵurlym iri somany igermegen vedomstvolar – mádeniet jáne sport, tsifrlyq damý, innovatsiialar jáne aeroǵarysh ónerkásibi, indýstriia jáne infraqurylymdyq damý, aýyl sharýashylyǵy jáne ishki ister ministrlikteri.
Igerilmeýdiń negizgi sebepteri: naqty kórsetilgen qyzmetter kólemi úshin aqy tóleý; oryndalǵan jumys aktilerin, shot-faktýralardy ýaqtyly usynbaý; konkýrstyq rásimderdi uzaq ótkizý; qarjylandyrý josparyna ózgerister engizý qajettiligi.
Sondai-aq ministrdiń aitýynsha, jergilikti biýdjetterdiń shyǵystary 8 trillion teńgeni qurady. 327 milliard teńge atqarylmaǵan.
Biyl óńirlerge 2,5 trillion teńge nysanaly transfert kózdelgen. 1 qarashadaǵy jaǵdai boiynsha olarǵa 2 trillion 157 milliard teńge bólindi. Onyń 94,2%-i igerildi.
"Atqarylmaǵany – 124 milliard teńge, onyń ishinde únemdelgeni – 21 milliard teńge", - dedi vedomstvo basshysy.
Qarjyny eń kóp igermegen ákimdikter – Nur-Sultan qalasy, Almaty, Batys Qazaqstan, Túrkistan oblystary jáne Almaty qalasy.
