قارجى مينيسترٸ ەرۇلان جاماۋباەۆ رەسپۋبليكالىق بيۋدجەت اقشاسىن يگەرە الماي جاتقان مينيسترلٸكتەر مەن ەكٸمدٸكتەردٸ اتادى, دەپ حابارلايدى Sputnik قازاقستان.
ايتۋىنشا, مەملەكەتتٸك بيۋدجەتتٸڭ شىعىستارى 97,5%-كە, رەسپۋبليكالىق بيۋدجەتتٸڭ شىعىستارى – 99,4%-كە, جەرگٸلٸكتٸ بيۋدجەتتەردٸڭ شىعىستارى 95,8%-كە اتقارىلدى.
"رەسپۋبليكالىق بيۋدجەت بويىنشا شىعىستار 13 تريلليون تەڭگەنٸ قۇرادى. 81 ميلليارد تەڭگە اتقارىلمادى, ونىڭ ٸشٸندە 15 ميلليارد تەڭگە ٷنەمدەلگەن. يگەرٸلمەگەنٸ – 66 ميلليارد تەڭگە", - دەدٸ جاماۋباەۆ ٷكٸمەت وتىرىسىندا.
نەعۇرلىم ٸرٸ سومانى يگەرمەگەن ۆەدومستۆولار – مەدەنيەت جەنە سپورت, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ, يندۋسترييا جەنە ينفراقۇرىلىمدىق دامۋ, اۋىل شارۋاشىلىعى جەنە ٸشكi iستەر مينيسترلٸكتەرٸ.
يگەرٸلمەۋدٸڭ نەگٸزگٸ سەبەپتەرٸ: ناقتى كٶرسەتٸلگەن قىزمەتتەر كٶلەمٸ ٷشٸن اقى تٶلەۋ; ورىندالعان جۇمىس اكتٸلەرٸن, شوت-فاكتۋرالاردى ۋاقتىلى ۇسىنباۋ; كونكۋرستىق رەسٸمدەردٸ ۇزاق ٶتكٸزۋ; قارجىلاندىرۋ جوسپارىنا ٶزگەرٸستەر ەنگٸزۋ قاجەتتٸلٸگٸ.
سونداي-اق مينيستردٸڭ ايتۋىنشا, جەرگٸلٸكتٸ بيۋدجەتتەردٸڭ شىعىستارى 8 تريلليون تەڭگەنٸ قۇرادى. 327 ميلليارد تەڭگە اتقارىلماعان.
بيىل ٶڭٸرلەرگە 2,5 تريلليون تەڭگە نىسانالى ترانسفەرت كٶزدەلگەن. 1 قاراشاداعى جاعداي بويىنشا ولارعا 2 تريلليون 157 ميلليارد تەڭگە بٶلٸندٸ. ونىڭ 94,2%-ٸ يگەرٸلدٸ.
"اتقارىلماعانى – 124 ميلليارد تەڭگە, ونىڭ ٸشٸندە ٷنەمدەلگەنٸ – 21 ميلليارد تەڭگە", - دەدٸ ۆەدومستۆو باسشىسى.
قارجىنى ەڭ كٶپ يگەرمەگەن ەكٸمدٸكتەر – نۇر-سۇلتان قالاسى, الماتى, باتىس قازاقستان, تٷركٸستان وبلىستارى جەنە الماتى قالاسى.
