Densaýlyq saqtaý vitse-ministri Lázzat Aqtaeva aýyr jaraqat alǵan Denis Tendi tasymaldaý kezinde klinikany tańdaý sheshimine qatysty túsinik berdi, dep habarlaidy QazAqparat.
Onyń sózine qaraǵanda, Deniske jedel járdem shaqyrý saǵat 14:56-lar kezinde túsken. Sáikesinshe, bul málimet «S30» retinde belgilendi, iaǵni bul adamnyń ómirine qaýipti degendi bildiredi.
Kólik saǵat 14:58-de oqiǵa ornyna attanyp, 10 minýttan keiin Deniske jetti. Budan keiin jedel járdem saǵat 15:12-ler kezinde ony Ortalyq qalalyq klinikalyq arýhanaǵa aparýǵa baǵyt alyp, sportshy ol jerge saǵat 15:23-te jetkizildi. 2 saǵat 7 minýt boiy júrek-ókpe reanimatsiialyq áreketteri jasaldy, alaida barlyq sharalarǵa qaramastan, saǵat 17:30-da biologiialyq ólim tirkeldi.
«Naýqasty eń jaqyn ornalasqan klinikaǵa jetkizý týraly ministrdiń buiryǵy bar. Brigada tolyq meditsinalyq kómekti kórsetý úshin Ortalyq qalalyq klinikalyq aýrýhana jaqyn ekenin baǵamdady»,- dedi vitse-ministr.
Sonymen qatar ol shuǵyl-hirýrgiialyq bólimshe Ortalyq qalalyq klinikalyq aýrýhana da bar ekenin atap ótti.
«Eń bastysy, naýqasty aýrýhanaǵa jetkizý kezinde barlyq reanimatsiialyq is-sharalar jasaldy. Bul ýaqytyly jasalýy tiis áreketter. Sondai-aq aýrýlardy qabyldaý bólmesi aptasyna jeti kún boiy 24 saǵattyq rejimde jumys isteitin statsionarǵa jetkizý óte mańyzdy», - dedi vitse- ministr.
Onyń aitýynsha, jedel járdem brigadasy tekserý barysynda Denis Ten esin bilmei jatqan. Onyń arteriialyq qysymy da anyqtalmady, iaǵni sportshynyń ahýaly klinikalyq ólim jaǵdaiy retinde baǵalandy.
Denisti aýrýhanaǵa tasymaldaý protsesinde júrek-ókpe reanimatsiiasy men ózge de qajetti sharalar jasaldy.
