دەنساۋلىق ساقتاۋ ۆيتسە-مينيسترٸ لەززات اقتاەۆا اۋىر جاراقات العان دەنيس تەندٸ تاسىمالداۋ كەزٸندە كلينيكانى تاڭداۋ شەشٸمٸنە قاتىستى تٷسٸنٸك بەردٸ, دەپ حابارلايدى قازاقپارات.
ونىڭ سٶزٸنە قاراعاندا, دەنيسكە جەدەل جەردەم شاقىرۋ ساعات 14:56-لار كەزٸندە تٷسكەن. سەيكەسٸنشە, بۇل مەلٸمەت «س30» رەتٸندە بەلگٸلەندٸ, ياعني بۇل ادامنىڭ ٶمٸرٸنە قاۋٸپتٸ دەگەندٸ بٸلدٸرەدٸ.
كٶلٸك ساعات 14:58-دە وقيعا ورنىنا اتتانىپ, 10 مينۋتتان كەيٸن دەنيسكە جەتتٸ. بۇدان كەيٸن جەدەل جەردەم ساعات 15:12-لەر كەزٸندە ونى ورتالىق قالالىق كلينيكالىق ارۋحاناعا اپارۋعا باعىت الىپ, سپورتشى ول جەرگە ساعات 15:23-تە جەتكٸزٸلدٸ. 2 ساعات 7 مينۋت بويى جٷرەك-ٶكپە رەانيماتسييالىق ەرەكەتتەرٸ جاسالدى, الايدا بارلىق شارالارعا قاراماستان, ساعات 17:30-دا بيولوگييالىق ٶلٸم تٸركەلدٸ.
«ناۋقاستى ەڭ جاقىن ورنالاسقان كلينيكاعا جەتكٸزۋ تۋرالى مينيستردٸڭ بۇيرىعى بار. بريگادا تولىق مەديتسينالىق كٶمەكتٸ كٶرسەتۋ ٷشٸن ورتالىق قالالىق كلينيكالىق اۋرۋحانا جاقىن ەكەنٸن باعامدادى»,- دەدٸ ۆيتسە-مينيستر.
سونىمەن قاتار ول شۇعىل-حيرۋرگييالىق بٶلٸمشە ورتالىق قالالىق كلينيكالىق اۋرۋحانا دا بار ەكەنٸن اتاپ ٶتتٸ.
«ەڭ باستىسى, ناۋقاستى اۋرۋحاناعا جەتكٸزۋ كەزٸندە بارلىق رەانيماتسييالىق ٸس-شارالار جاسالدى. بۇل ۋاقىتىلى جاسالۋى تيٸس ەرەكەتتەر. سونداي-اق اۋرۋلاردى قابىلداۋ بٶلمەسٸ اپتاسىنا جەتٸ كٷن بويى 24 ساعاتتىق رەجٸمدە جۇمىس ٸستەيتٸن ستاتسيونارعا جەتكٸزۋ ٶتە ماڭىزدى», - دەدٸ ۆيتسە- مينيستر.
ونىڭ ايتۋىنشا, جەدەل جەردەم بريگاداسى تەكسەرۋ بارىسىندا دەنيس تەن ەسٸن بٸلمەي جاتقان. ونىڭ ارتەرييالىق قىسىمى دا انىقتالمادى, ياعني سپورتشىنىڭ احۋالى كلينيكالىق ٶلٸم جاعدايى رەتٸندە باعالاندى.
دەنيستٸ اۋرۋحاناعا تاسىمالداۋ پروتسەسٸندە جٷرەك-ٶكپە رەانيماتسيياسى مەن ٶزگە دە قاجەتتٸ شارالار جاسالدى.
