Aýyl sharýashylyǵy ministri Saparhan Omarov ministrlikke jumys ornalasý tártibin túsindirdi, dep habarlaidy "Ult aqparat".
Halyqqa esep berý jiynynda ministrge Qazaq agrotehnikalyq ýniversitetiniń veterinariia ǵylymdarynyń magistri «Ministrlikke jumysqa ornalasý úshin ne isteý kerek?» degen suraq qoidy.
«Aýyl sharýashylyǵy ministrligine jumysqa ornalasý jalpyǵa ortaq tártipte konkýrs arqyly júrgiziledi. Ministrliktegi barlyq vakansiialar jariialanady. Oǵan kez kelgen tilek bildirýshi ótinim bere alady. Búginde AShM-nyń 90-ǵa jýyq qyzmetkeri - jastar. Ujymymyz jasaryp keledi. Ministrlikte uzaq jyl qyzmet etken tájiribeli mamandarymyz oblystyq bólimshelerge aýysady. Sol kezde bosaǵan oryndarǵa jas mamandardy alamyz», - dep jaýap berdi S. Omarov.
Aita keteiik, astanada QR Aýyl sharýashylyǵy ministri Saparhan Omarov 2018 jyldyń qorytyndylary men aldaǵy josparlar jóninde halyqqa esep berdi.
