اۋىل شارۋاشىلىعى مينيسترٸ ساپارحان وماروۆ مينيسترلٸككە جۇمىس ورنالاسۋ تەرتٸبٸن تٷسٸندٸردٸ, دەپ حابارلايدى "ۇلت اقپارات".
حالىققا ەسەپ بەرۋ جيىنىندا مينيسترگە قازاق اگروتەحنيكالىق ۋنيۆەرسيتەتٸنٸڭ ۆەتەرينارييا عىلىمدارىنىڭ ماگيسترٸ «مينيسترلٸككە جۇمىسقا ورنالاسۋ ٷشٸن نە ٸستەۋ كەرەك?» دەگەن سۇراق قويدى.
«اۋىل شارۋاشىلىعى مينيسترلٸگٸنە جۇمىسقا ورنالاسۋ جالپىعا ورتاق تەرتٸپتە كونكۋرس ارقىلى جٷرگٸزٸلەدٸ. مينيسترلٸكتەگٸ بارلىق ۆاكانسييالار جارييالانادى. وعان كەز كەلگەن تٸلەك بٸلدٸرۋشٸ ٶتٸنٸم بەرە الادى. بٷگٸندە اشم-نىڭ 90-عا جۋىق قىزمەتكەرٸ - جاستار. ۇجىمىمىز جاسارىپ كەلەدٸ. مينيسترلٸكتە ۇزاق جىل قىزمەت ەتكەن تەجٸريبەلٸ ماماندارىمىز وبلىستىق بٶلٸمشەلەرگە اۋىسادى. سول كەزدە بوساعان ورىندارعا جاس مامانداردى الامىز», - دەپ جاۋاپ بەردٸ س. وماروۆ.
ايتا كەتەيٸك, استانادا قر اۋىل شارۋاشىلىعى مينيسترٸ ساپارحان وماروۆ 2018 جىلدىڭ قورىتىندىلارى مەن الداعى جوسپارلار جٶنٸندە حالىققا ەسەپ بەردٸ.
