Indýstriia jáne infraqurylymdyq damý ministrliginde halyqaralyq júk tasymaly máseleleri boiynsha jedel keńes ótti, dep habarlaidy "Ult aqparat" ministrliktiń baspasóz qyzmetine silteme jasap.
Jiynǵa Halyqaralyq avtomobil tasymaldaýshylary odaǵy (QazATO), «Atameken» Ulttyq kásipkerler palatasy, KazLogistics ókilderi, sondai-aq otandyq tasymaldaýshy (olarǵa Ýkraina aýmaǵynda qalyp qoiǵan avtomobilderdiń basym bóligi tiesili) qatysty.
«Jinalys barysynda júk tasymaldaýshylar men júk avtomobilderiniń júrgizýshilerine kómek kórsetý boiynsha qabyldanyp jatqan jáne aldaǵy ýaqytqa josparlanǵan sharalar talqylandy», - dedi ministrlikten.
Buǵan deiin habarlaǵandai, Ýkrainadaǵy oqiǵalardyń bastalýyna deiin atalmysh el aýmaǵynda 50-ge jýyq qazaqstandyq júk avtokólik quraly bolǵan. Olardy el aýmaǵynan shyǵarý úshin tasymaldaýshylardyń tizimi jasaldy. Atalǵan tizim QR Syrtqy ister ministrligine berildi.
«Sondai-aq QR IIDM Polsha men Moldovanyń memlekettik organdaryna mashinalar men júrgizýshilerden qosymsha qujattardy talap etpei, ruqsat qujatyn berý boiynsha júgindi. Aita ketken jón, 28 aqpan kúni QR Indýstriia jáne infraqurylymdyq damý vitse-ministri Berik Kamaliev qazaqstandyq tasymaldaýshylardyń Ýkrainadan shyǵýy úshin «jasyl dáliz» uiymdastyrý jóninde ýákiletti organdarmen kelissózder júrgizgen bolatyn.
Nátijesinde búgingi tańda 3 qazaqstandyq júk kóligi «Rovarýsskaia» ótkizý pýnkti arqyly Ýkraina-Polsha shekarasyn kesip ótti. Qazirgi ýaqytta taǵy 8 kólik Ýkraina-Moldova shekarasynan «Starokozache-Týdora» ótkizý pýnkti arqyly ótedi. Qalǵan qazaqstandyq júk avtomobilderin shyǵarý boiynsha jumys jalǵasatyn bolady», - dep naqtylady vedomstvodan.
Málim etilgendei, keńes barysynda tasymaldaýshylarǵa birqatar usynys jasaldy. Atap aitsaq:
- júrgizýshilerdi Ýkrainanyń batys bóligi arqyly Polsha men Moldova shekaralaryna baǵyttaý (eldiń atalǵan aýmaǵynda jaǵdai turaqty jáne ótkizý pýnktteri ashyq);
- kólik quraldary Kiev pen Kiev oblysyna jaqyn jerde bolǵan jaǵdaida olardy jaǵdai turaqtalǵanǵa deiin qoimalar, kópirler men basqa da qurylystardan qaýipsiz qashyqtyqqa jyljytyp, ornalastyrý.
Sonymen qatar tasymaldaýshylardyń nazaryna Belarýs shekarasy arqyly «jasyl dáliz» ashý máselesiniń pysyqtalyp jatqany týraly aqparat jetkizildi.
Anyqtama úshin:
QR IIDM ahýaldyq ortalyǵynyń telefon nómiri: +7 (7172) 98-35-35; 98-35-33
QR IIDM ahýaldyq ortalyǵynyń WhatsApp nómiri: + 7 708 088 0 800
Qazaqstan Respýblikasynyń Ýkrainadaǵy Elshiligindegi tulǵalarmen bailanys úshin:
- Qurmetti konsýl: Medianik Inna Sergeevna, Dnepropetrovsk oblysy, Dnepr qalasy, Dmitrii Iavornitskii dańǵyly, 22 úi, tel: +38 (098) 222-94-37, consul.kz.dp@gmail.com;
- Qurmetti konsýl: Nadjafli Emin Mýsa ogly, Harkov, Poltava jáne Sýmy oblystary, Harkov qalasy, Poltavskii shliah kóshesi, 7 úi, tel: +38 (067) 190-77-77, consul.kz.kh@gmail.com;
- Qurmetti konsýl: Prodaevich Sergei Aleksandrovich, Odessa, Nikolaev jáne Herson oblystary, Odessa qalasy, Panteleimonovskaia kósh., 101/11 úi, tel: +38 (094) 949-27-52, consulkzod@gmail.com;
- Qurmetti konsýl: Masliýk Galina Dmitrievna, Lvov, Zakarpatskaia, Ivano-Frankovskaia, Chernovitskaia, Ternopolskaia, Hmelnitskaia, Rovenskaia jáne Volbna oblystary, Lvov qalasy, Zamknen kóshesi, 3/1 úi, tel: +38 (032) 240-36-70, consul@kazconsul.com.ua.
«QTJ «UK» AQ janynda temirjol júk tasymaly máseleleri boiynsha jedel jeli ashyldy, onyń ishinde:
- júkterdi basqa mekenjaiǵa jiberýge ótinimderdi qabyldaý jáne konsýltatsiialar boiynsha (aialdaý beketterin ózgertý, bastapqy tieý stantsiiasyna qaitarý jáne t. b.) jaýapty «QTJ-Júk tasymaly» JShS júktermen kommertsiialyq jumys departamentiniń bas menedjeri S. Abjaleev taǵaiyndalady, tel. 8 (702) 164-55-39, 60-31-33;
- Kedendik qyzmetke bailanysty suraqtar boiynsha «QTJ «UK» AQ-nan kedendik qyzmet departamentiniń bas menedjeri G. N. Hairýlina taǵaiyndalady, tel. 60-30-19, 8 (701) 341-32-20
- Resei, Ýkraina, Belarýs jáne EO aýmaǵynda tasymaldaýdy uiymdastyrý bóliginde keńes berý «KTZ Expres» AQ Bas direktorynyń logistika jónindegi orynbasary A.I. Kapar taǵaiyndalady, elektrondyq meken-jaiy a.kapar@ktze.kz , tel. +7(702) 788-68-87
