Qazaqstan Respýblikasynyń Jasandy intellekt jáne tsifrlyq damý ministrligi eldegi uialy bailanys tarifteri «300%-ǵa deiin ósti» degen málimdemeler naryqtaǵy naqty jaǵdaidy tolyq kórsetpeitinin málimdedi dep habarlaidy Ult.kz.
Ministrlik Ulttyq statistika biýrosynyń derekterine súiene otyryp, 2026 jylǵy qańtarda bailanys qyzmetteriniń baǵasy 2025 jyldyń sáikes kezeńimen salystyrǵanda 6%-ǵa, al 2020 jylmen salystyrǵanda 32%-ǵa artqanyn atap ótti.
Vedomstvonyń málimetinshe, Qazaqstanda bailanys tarifterin operatorlar naryqtyq jaǵdaiǵa bailanysty ózderi qalyptastyrady. Baǵa qyzmet kólemine, jeli júktemesine jáne infraqurylymdyq shyǵyndarǵa táýeldi.
Sondai-aq sońǵy jyldary mobildi internet tutyný kólemi 70%-dan astam óskeni aityldy. Bul óz kezeginde jelilerdiń qýatyn keńeitýdi jáne telekommýnikatsiialyq infraqurylymdy turaqty túrde jańǵyrtýdy talap etedi.
Ministrlik jekelegen tarifterdiń qymbattaýy 4G jáne 5G tehnologiialaryn engizý, bailanys qamtý aimaǵyn keńeitý jáne salany damytý shyǵyndarynyń ósýimen bailanysty ekenin jetkizdi.
Resmi málimet boiynsha, 2023-2025 jyldary bailanys operatorlary infraqurylymdy damytýǵa shamamen 1 trln teńge investitsiia salǵan.
