قازاقستان رەسپۋبليكاسىنىڭ جاساندى ينتەللەكت جەنە تسيفرلىق دامۋ مينيسترلٸگٸ ەلدەگٸ ۇيالى بايلانىس تاريفتەرٸ «300%-عا دەيٸن ٶستٸ» دەگەن مەلٸمدەمەلەر نارىقتاعى ناقتى جاعدايدى تولىق كٶرسەتپەيتٸنٸن مەلٸمدەدٸ دەپ حابارلايدى Ult.kz.
مينيسترلٸك ۇلتتىق ستاتيستيكا بيۋروسىنىڭ دەرەكتەرٸنە سٷيەنە وتىرىپ, 2026 جىلعى قاڭتاردا بايلانىس قىزمەتتەرٸنٸڭ باعاسى 2025 جىلدىڭ سەيكەس كەزەڭٸمەن سالىستىرعاندا 6%-عا, ال 2020 جىلمەن سالىستىرعاندا 32%-عا ارتقانىن اتاپ ٶتتٸ.
ۆەدومستۆونىڭ مەلٸمەتٸنشە, قازاقستاندا بايلانىس تاريفتەرٸن وپەراتورلار نارىقتىق جاعدايعا بايلانىستى ٶزدەرٸ قالىپتاستىرادى. باعا قىزمەت كٶلەمٸنە, جەلٸ جٷكتەمەسٸنە جەنە ينفراقۇرىلىمدىق شىعىندارعا تەۋەلدٸ.
سونداي-اق سوڭعى جىلدارى موبيلدٸ ينتەرنەت تۇتىنۋ كٶلەمٸ 70%-دان استام ٶسكەنٸ ايتىلدى. بۇل ٶز كەزەگٸندە جەلٸلەردٸڭ قۋاتىن كەڭەيتۋدٸ جەنە تەلەكوممۋنيكاتسييالىق ينفراقۇرىلىمدى تۇراقتى تٷردە جاڭعىرتۋدى تالاپ ەتەدٸ.
مينيسترلٸك جەكەلەگەن تاريفتەردٸڭ قىمباتتاۋى 4G جەنە 5G تەحنولوگييالارىن ەنگٸزۋ, بايلانىس قامتۋ ايماعىن كەڭەيتۋ جەنە سالانى دامىتۋ شىعىندارىنىڭ ٶسۋٸمەن بايلانىستى ەكەنٸن جەتكٸزدٸ.
رەسمي مەلٸمەت بويىنشا, 2023-2025 جىلدارى بايلانىس وپەراتورلارى ينفراقۇرىلىمدى دامىتۋعا شامامەن 1 ترلن تەڭگە ينۆەستيتسييا سالعان.
