Ekologiia ministrligi ýtilizatsiialyq alym stavkalaryna qatysty tolyqtyrýlar engizdi. Bul týraly QR Ekologiia, geologiia jáne tabiǵi resýrstar ministrliginiń Telegram kanalynda habarlandy.
"QR EGTRM kádege jaratý tóleminiń jańa mólsherlemeleriniń áreketine qatysty “Jasyl Damý” AQ konsýltatsiialar ótkizilgenin habarlaidy.
QR ekologiia, geologiia jáne tabiǵi resýrstar ministriniń m.a. 2022 jylǵy 29 sáýirdegi №138 buiryǵyna sáikes kádege jaratý tóleminiń stavkalary 50%-ǵa tómendetildi, osy buiryq aǵymdaǵy jylǵy 14 mamyrdan bastap kúshine endi.
14 mamyrdan keiin burynǵy mólsherlemeler boiynsha kádege jaratý alymyn tóleý júzege asyrylǵan jaǵdaida, “Jasyl damý” AQ qaita esepteý júrgizedi jáne Qazaqstan Respýblikasynyń qoldanystaǵy zańnamasyna sáikes artyq tólengen somany qaitarý júzege asyrylady" delingen resmi habarlamada.
