Foto: gov.kz
Qazaqstannyń Ulttyq ekonomika ministrligi "Defence Engineering" kompaniiasyn AQSh Qarjy ministrliginiń Sheteldik aktivterdi baqylaý basqarmasy (OFAC) SDN sanktsiialar tizimine engizgenin rastady.
UEM habarlaǵandai, kásiporyn Astanada tirkelgen. Búginde onyń qyzmeti belsendi emes.
Qarjy ministrliginiń aqparaty boiynsha, kompaniianyń qyzmeti 2021 jyldyń 14 aqpanynda toqtatylǵan. Al Indýstriia jáne infraqurylymdyq damý ministrliginiń málimetine súiensek, atalǵan kásiporynǵa erekshe taýarlardy ótkizýge litsenziia, ruqsat berilmegen.
"Biz kompaniianyń sanktsiialar tizimine engizilýin onyń iesi Ashot Mkrtychevtiń AQSh sanktsiiasynda bolýymen bailanystyramyz. Aita keteiik, Mkrtychev - Qazaqstan rezidenti emes. Kompaniianyń sanktsiialar tizimine engizilýi tehnikalyq sipattaǵy jáit" - delingen habarlamada.
Bul adam 2020 jylǵy 7 naýryzda QR aýmaǵynan ketip qalǵan. Odan keiin elge kirmegen.
"Defence Engineering"-ten ózge, onyń basqa iýrisdiktsiialarda tirkelgen eki kompaniiasy da sanktsiiaǵa ilikken.
"Biz batystaǵy áriptesterimizben únemi bailanystamyz. Bul kompaniia boiynsha tiisti sharalar qabyldanady" - delingen ministrlik habarlamasynda.
