Qazaqstannyń syrtqy ister ministri Qairat Ábdirahmanov Qytaida 170-ke tarta etnikalyq qazaqtyń qiyndyqqa urynǵanyn aitty, - dep habarlaidy Tengrinews.kz tilshisi.
"SIM-de Qytaida 170 shamasyndaǵy qazaqtyń qiyndyq kórip jatqany jaily málimet bar. Olardyń barlyǵymen týystary men qoǵam arqyly habarlastyq. Árqaisynyń taǵdyryna bei-jai qarai almaimyz. Bir jaǵynan, QHR azamattaryna qatysty másele qozǵalyp jatsa, Ven konventsiiasyna sáikes, ózge memlekettiń múddesine aralasýǵa ruqsat joq. Sondyqtan óte sezimtal másele", - dedi ministr.
Munyń aldynda ministr azamattardyń múddesin qorǵaý úshin qazaqstandyq jáne qytailyq taraptardyń kelissózin júrgizýge eshqandai kedergi joq ekenin aitqan edi.
"Sáýirde delegattarymyz Qytaiǵa eki ret sapar jasady. Qazaqstannyń 12 azamatyna bailanysty másele kóterildi, olar QHR-da ustalǵan edi. Qytailyq tarap QHR azamattyǵynan shyǵý protsedýrasyn buzdy dep aiyptaǵan. Kelissózderdiń qorytyndysy boiynsha 12 adamnyń toǵyzy bosatyldy. Qalǵan úsh azamat boiynsha jan-jaqty jumys júrgizilip jatyr", - degen edi ministr úkimet otyrysynyń úzilisinde.
Ábdirahmanovtyń aitýynsha, azamattardyń quqyǵyn qorǵaý boiynsha jumystarǵa Qazaqstannyń ǵana emes, basqa elderdiń de diplomatiialyq qyzmeti jumylǵan.
