QR AShM Veterinarlyq baqylaý jáne qadaǵalaý komiteti tóraǵasynyń mindetin atqarýshy Tursyn Qabdoldanov qus ósiretin fabrikalardaǵy tekserý nátijesin aitty., dep habarlaidy "Ult aqparat".
«Qazaqstan Respýblikasynda 64 qus fabrikasy jumys isteidi, onyń ishinde jumyrtqa baǵytyndaǵy 35 kásiporny bar. Qostanai oblysynda bir jáne Soltústik Qazaqstan oblystarynda da bir qus fabrikasynda qus tumaýy baiqaldy. Tekserý júrgizý kezinde jumys toby qus fabrikalarynyń ieleri veterinariialyq-sanitariialyq talaptardy saqtamaitynyn, jabaiy ári jyl qustarynyń qus fabrikalarynyń aýmaǵynda bar ekendigi, mal dárigeri biliktiliginiń sáikessizdigi jaǵdailaryn anyqtady», - dedi Tursyn Qabdoldanov Ortalyq kommýnikatsiialar qyzmetinde.
Osy oraida ol qus sharýashylyǵy nysany qyzmetiniń veterinariialyq-sanitariialyq talaptarǵa sáikestigi biologiialyq qaýipsizdiktiń kepili ekenin atap ótti.
Sonymen qatar qus tumaýynan kelgen shyǵyndy óteý máselesine toqtaldy.
«Jalpy, qus shyǵynyn óteý Statistika komitetiniń bergen árbir óńir men aýdan boiynsha belgilengen baǵa arqyly jáne onda qurylǵan komissiiasynyń sheshimimen anyqtalady. 2020 jylǵy 7 qazanda oblys ákimdikterine osy sharalardy júrgizý tártibi, qujattar paketin qalyptastyrý kezinde kómek kórsetý týraly hattar joldandy. Qazirgi kezde 15 myńnan astam qus basyna daiyndalǵan qujattar kelip tústi. Olar boiynsha jeke shottarǵa 75 million teńgeden astam tólem aýdaryldy», - dedi Tursyn Qabdoldanov.
