قر اشم ۆەتەرينارلىق باقىلاۋ جەنە قاداعالاۋ كوميتەتٸ تٶراعاسىنىڭ مٸندەتٸن اتقارۋشى تۇرسىن قابدولدانوۆ قۇس ٶسٸرەتٸن فابريكالارداعى تەكسەرۋ نەتيجەسٸن ايتتى., دەپ حابارلايدى "ۇلت اقپارات".
«قازاقستان رەسپۋبليكاسىندا 64 قۇس فابريكاسى جۇمىس ٸستەيدٸ, ونىڭ ٸشٸندە جۇمىرتقا باعىتىنداعى 35 كەسٸپورنى بار. قوستاناي وبلىسىندا بٸر جەنە سولتٷستٸك قازاقستان وبلىستارىندا دا بٸر قۇس فابريكاسىندا قۇس تۇماۋى بايقالدى. تەكسەرۋ جٷرگٸزۋ كەزٸندە جۇمىس توبى قۇس فابريكالارىنىڭ يەلەرٸ ۆەتەرينارييالىق-سانيتارييالىق تالاپتاردى ساقتامايتىنىن, جابايى ەرٸ جىل قۇستارىنىڭ قۇس فابريكالارىنىڭ اۋماعىندا بار ەكەندٸگٸ, مال دەرٸگەرٸ بٸلٸكتٸلٸگٸنٸڭ سەيكەسسٸزدٸگٸ جاعدايلارىن انىقتادى», - دەدٸ تۇرسىن قابدولدانوۆ ورتالىق كوممۋنيكاتسييالار قىزمەتٸندە.
وسى ورايدا ول قۇس شارۋاشىلىعى نىسانى قىزمەتٸنٸڭ ۆەتەرينارييالىق-سانيتارييالىق تالاپتارعا سەيكەستٸگٸ بيولوگييالىق قاۋٸپسٸزدٸكتٸڭ كەپٸلٸ ەكەنٸن اتاپ ٶتتٸ.
سونىمەن قاتار قۇس تۇماۋىنان كەلگەن شىعىندى ٶتەۋ مەسەلەسٸنە توقتالدى.
«جالپى, قۇس شىعىنىن ٶتەۋ ستاتيستيكا كوميتەتٸنٸڭ بەرگەن ەربٸر ٶڭٸر مەن اۋدان بويىنشا بەلگٸلەنگەن باعا ارقىلى جەنە وندا قۇرىلعان كوميسسيياسىنىڭ شەشٸمٸمەن انىقتالادى. 2020 جىلعى 7 قازاندا وبلىس ەكٸمدٸكتەرٸنە وسى شارالاردى جٷرگٸزۋ تەرتٸبٸ, قۇجاتتار پاكەتٸن قالىپتاستىرۋ كەزٸندە كٶمەك كٶرسەتۋ تۋرالى حاتتار جولداندى. قازٸرگٸ كەزدە 15 مىڭنان استام قۇس باسىنا دايىندالعان قۇجاتتار كەلٸپ تٷستٸ. ولار بويىنشا جەكە شوتتارعا 75 ميلليون تەڭگەدەن استام تٶلەم اۋدارىلدى», - دەدٸ تۇرسىن قابدولدانوۆ.
