Aleksandr Gerbert. Videodan alynǵan kadr
Buǵan deiin qazaqstandyq sportshy, fristail (mogýl) komandasynyń eks-múshesi Aleksandr Gebert Instagram paraqshasynda 2020 jyly ulttyq quramadan ne úshin shyqqanyn túsinbeitini týraly video jariialaǵan bolatyn, - dep habarlaidy Tengrinews.kz tilshisi.
"Meni 2020 jyly ulttyq quramadan óz erkimmen ketýge májbúr etti, eger óz erkimmen ketpesem "Kásibi jaramdylyq" baby boiynsha jumystan shyǵaratyndaryn aityp qorqytty. Biraq bul sheshim men úshin ádiletsiz, óitkeni men sport sheberimin, halyqaralyq arenada jáne el arenasynda jaqsy nátije kórsettim. Jattyqtyrýshyǵa onyń jeke kartochkasyna aýdarǵan aqsha týraly suraǵanym úshin unamadym", - deidi ol videoda.
Videoda Aleksandr Gebert bas bapker sportshylarǵa memleketten kúndelikti ómir súrýge bólinetin aqshanyń qalǵanyn qaitarýǵa májbir etip, sportshylarǵa psihologiialq qysym kórsetkenin aityp shaǵymdandy.
Qazirgi ýaqytta sportshy onyń komandadan ne úshin shyǵarylǵanyn anyqtaýǵa tyrysyp jatyr.
Óz kezeginde Sport jáne dene shynyqtyrý isteri komiteti 2020 jyly Aleksandr Gebert komitettiń 2020 jylǵy 22 qazandaǵy buiryǵymen fristail (mogýl) boiynsha shtattyq qurama komandasynyń quramynan shyǵarylǵanyn rastady.
"Qaǵidalardyń 11-tarmaǵyna sáikes sport túrleri boiynsha Qazaqstan qurama komandalarynyń (sport túrleri boiynsha ulttyq qurama komandalardyń) músheleri sporttyq nátijelerdi tómendetkeni, sport túri boiynsha Qazaqstan qurama komandalarynyń sportshylaryn daiarlaýdyń jeke josparyn júieli túrde oryndamaǵany, eldiń dopingke qarsy qaǵidalaryn buzǵany, sondai-aq sporttyq ádep normalaryn buzǵany úshin sport túri boiynsha qurama komandalardyń quramynan shyǵarylady", - dep túsindirdi komitettiń baspasóz qyzmeti.
Bul rette, fristail (mogýl) boiynsha jattyqtyrýshylardan komitetke ótinishter nemese shaǵymdar túspegen.
Baspasóz qyzmetiniń habarlaýynsha, qazirgi ýaqytta komitet Nur-Sultan qalasy boiynsha ekonomikalyq tergeý departamentine, sondai-aq qarjy monitoringi agenttigine hat joldady, onda Aleksandr Geberttiń Elena Krýglyhinge sportshylardan aqsha jinaý týraly ótinishi boiynsha túpkilikti sheshim qabyldaý týraly aqparat beriledi.
