QR Úkimet músheleri Almaty túbinde ushaqtyń apatqa ushyraýy saldarynan qaza tapqan azamattardyń týǵan-týystaryna kóńil aitýda, dep habarlaidy "Ult aqparat".
QR Premer-Ministriniń birinshi orynbasary- Qarjy ministri Álihan Smaiylov zardap shekkenderdiń barlyǵyna qajetti kómek kórsetiletindigin atap ótedi.
«Almaty oblysynda áýe apatynan qaza bolǵandardyń týǵan-týystary men jaqyndaryna qaiǵyra kóńil aitamyn. Búkil el sizdermen birge aza tutýda. Barlyǵyna qajetti kómek pen qoldaý kórsetiletin bolady», - dedi Álihan Smaiylov.
Sonymen birge, QR Premer-Ministriniń orynbasary, Almatydaǵy ushaq apaty boiynsha úkimettik komissiia múshesi Roman Skliar qaza tapqandar men zardap shekkenderdiń otbasyna bparlyq kómek pen qoldaý kórsetiletindigin aitty.
«Ushaq apatynan kóz jumǵandardyń týǵan-týystaryna qaiǵyra kóńil aitamyz. Bul jaǵdaiǵa qatysty eshkim de memlekettiń qoldaý sharalarynan tys qalmaidy. Qaitys bolǵandardyń týǵan-týystary men zardap shekkenderde qajetti barlyq kómek pen qoldaý kórsetiledi», - dedi Roman Skliar.
«Almaty túbindegi áýe apatynan qaza bolǵandardyń otbasylary men týǵan-týystaryna kóńil aitamyn. Qaiǵylaryńyzǵa ortaqpyn»,- dep jazdy QR Densaýlyq saqtaý ministri Eljan Birtanov Twitter-degi paraqshasynda.
Ushaq apatynan qaza tapqan azamattardyń týǵan-týystaryna QR Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev te kóńil aitty.
«Almaty mańynda oryn alǵan jolaýshylar ushaǵy apatynan qaza tapqandardyń týystary men jaqyndarynyń qaiǵylaryna ortaqtasyp, kóńil aitamyn. Apattan zardap shekkenderdiń tezirek saýyǵyp, otbasyna oralýyna tilektespin. Arnaiy qurylǵan Úkimettik komissiia oqiǵanyń sebep-saldaryn anyqtaitynyna senimdimin», - delingen ministrdiń Facebook-te jariialanǵan jazbasynda.
Qazaqstannyń Syrtqy ister ministrligi de Almaty qalasynyń mańynda ushaqtyń apatqa ushyraýy týraly qaiǵyly habardy tereń kúizelispen qabyldaǵandyqtaryn habarlady.
«Bek Air kompaniiasynyń jolaýshylar ushaǵynyń apatqa ushyraýy saldarynan qaza tapqandardyń otbasylaryna qaiǵyryp kóńil aitamyz. Zardap shekkenderge tezirek saýyǵýdy tileimiz», - delingen ministrliktiń Telegram-daǵy habarlamasynda.
Mádeniet jáne sport ministr Aqtoty Raiymqulova da Bek Air áýekompaniiasy ushaǵynyń apatqa ushyraýy saldarynan qaza tapqanqandardyń týystary men jaqyndaryna kóńil aitty.
«Búgin tańerteń Almaty qalasynyń áýejaiynan ushyp shyqqan Bek Air áýekompaniiasynyń apatqa ushyraǵan ushaǵynda qurban bolǵan jáne zardap shekkender týraly aqparatty tereń kúizelispen oqydym. Men Sizdermen birge qaza tapqandardyń týǵan-týysqandary men et-jaqyndaryna qaiǵyryp kóńil aitamyn, al zardap shekkenderdiń barlyǵynyń tezirek saýyǵyp ketýin tileimin», – dedi QR Mádeniet jáne sport ministri.
Óz kezinde QR Ekologiia, geologiia jáne tabiǵi resýrstar ministri Maǵzum Myrzaǵalievte apattan qaza tapqandardyń otbasyna kóńil aitty.
«Áýe apatynan qaza tapqandardyń týǵan-týystary men jaqyndaryna qaiǵyryp kóńil aitamyn. Sizdermen birge aza tutamyz. Zardap shekkenderdiń tezirek saýyǵyp ketýin tileimin», - dedi ol.
Qazaqstan Respýblikasy Eńbek jáne halyqty áleýmettik qorǵaý ministri Birjan Nurymbetov Almaty qalasynyń mańynda oryn alǵan ushaq apatynan qaitys bolǵan azamattardyń týystary men jaqyndaryna qaiǵyryp kóńil aitty.
«Áýe kemesiniń apatqa ushyraǵany týraly habardy zor kúizelispen qabyldadym. Qaza bolǵan azamattardyń otbasylaryna, týystary men jakyndaryna shyn júrekten kóńil aitamyn. Jaraqat alǵan azamattarymyzdyń tezirek saýyǵyp ketýlerine tilektestik bildiremin», – dedi Birjan Nurymbetov.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna bailanysty kóńil aitty.
