QR Densaýlyq saqtaý ministri Eljan Birtanov, Bilim jáne ǵylym miinstri Ashat Aimaǵambetov jáne elorda ákimi Altai Kólginov Amerikalyq kardiologiialyq qaýymdastyq (American Heart Association) uiymdastyrǵan júrek reanimatsiiasynyń bazalyq kýrsynan ótti, dep habarlaidy "Ult aqparat".
QR DSM Ulttyq shuǵyl meditsina úilestirý ortalyǵynda TMD aýmaǵynda alǵash ret Amerikalyq kardiologiialyq qaýymdastyǵy akkreditatsiialaǵan bazalyq jáne keńeitilgen júrek reanimatsiiasyn (BLS, ACLS) oqytý boiynsha halyqaralyq treningtik ortalyq ashyldy. Ortalyqtyń alǵashqy bilim alýshylary elimizdiń birqatar ministri men elorda ákimi boldy.
TMD aýmaǵynda balamasy joq ortalyq meditsina qyzmetkerlerine jáne jalpy respýblika halqyna reanimatsiianyń (BLS) bazalyq kómegin úiretýdi kózdeidi.
«Biz Qazaqstanda kardiologiialyq, júrek-tamyr aýrýlary, ólim-jitim faktileri jii kezdesetinin túsinemiz. Sondyqtan adamdarǵa durys kómek kórsetýdi, júrek-ókpe reanimatsiiasyn tez jáne tiimdi jasaý joldaryn úiretýimiz kerek. Qazaqstannyń turǵyndary, dárigerleri men meditsina qyzmetkerleri bul oqytýdyń álemdik tájiribege sai júrgiziletinin eskerýi tiis. Oqytý aldyńǵy qatarly ǵylymi málimetterge negizdelgen», - dedi Qazaqstandaǵy Amerikalyq kardiologiialyq qaýymdastyqtyń halyqaralyq oqytý ortalyǵynyń basshysy Kevin Freik tilshilerge bergen suhbatynda.
Halyqaralyq treningtik ortalyq Qazaqstan halqynyń qan ainalymy júiesi aýrýlarynan, onyń ishinde emdeýge deiingi kezeńde qaitys bolý faktilerin azaitý maqsatynda ashylǵan. QR Densaýlyq saqtaý ministrligi men Amerikalyq kardiologiialyq qaýymdastyq (AHA) yntymaqtastyq týraly memorandýmǵa qol qoidy.
