QR Premer-Ministri Asqar Maminniń tóraǵalyǵymen jáne QR Parlamenti Májilisiniń Tóraǵasy Nurlan Nyǵmatýlinniń qatysýymen ótken Jańǵyrtý jónindegi ulttyq komissiianyń selektorlyq otyrysynda «Tuńǵysh Prezident – Elbasy N. Nazarbaevtyń bes institýtsionaldyq reformasyn iske asyrý boiynsha 100 naqty qadam» Ult josparyn jáne Memleket basshysy Q. Toqaevtyń Joldaýyn oryndaý barysy qaraldy, dep habarlaidy "Ult aqparat" primeminister.kz saityna silteme jasap.
Atqarylyp jatqan jumys barysy týraly Ulttyq ekonomika ministri R. Dálenov, Qarjy ministri E. Jamaýbaev, Indýstriia jáne infraqurylymdyq damý ministri B. Atamqulov, Aýyl sharýashylyǵy ministri S. Omarov, Bilim jáne ǵylym ministri A. Aimaǵambetov, Densaýlyq saqtaý ministri A. Tsoi, Tsifrlyq damý, innovatsiialar jáne aeroǵarysh ónerkásibi ministri B. Mýsin, Strategiialyq josparlaý jáne reformalar jónindegi agenttik tóraǵasy – «Astana» halyqaralyq qarjy ortalyǵynyń basqarýshysy Q. Kelimbetov jáne ózgeleri baiandady.
«Memleket basshysy Qasym-Jomart Kemeluly Toqaev 2020 jylǵy 1 qyrkúiektegi óz Joldaýynda Ult jospary men Bes institýtsionaldyq reforma aiasynda Elbasynyń reformalaryna salmaqty serpin berý qajettigin atap ótti. Biyl birqatar baǵyt boiynsha barynsha kúsh-jiger salynyp, Ult josparynyń 5 qadamy tolyq júzege asyryldy. Qazirgi kezde 33 qadam iske asyrylý ústinde», — dedi A. Mamin.
Qazirgi ýaqytta «Kásibi memlekettik apparat qurý» baǵyty boiynsha 15 qadamnyń 13-i oryndaldy, «Zańnyń ústemdigin qamtamasyz etý» baǵyty boiynsha barlyq 19 qadam, «Indýstriialandyrý jáne ekonomikalyq ósim» baǵyty boiynsha 50 qadamnan 20 qadam, «Birtektilik pen birlik» baǵyty boiynsha 6 qadamnan 3 qadam, «Esep beretin memleketti qalyptastyrý» baǵyty boiynsha 10 qadamnan 9-y oryndalǵan.
Otyrysta sút jáne et óndirisin jáne qaita óńdeýdi damytý úshin strategiialyq investorlardy tartý, týristik jáne innovatsiialyq klasterlerdi keńeitý, kedendik jáne salyq júielerin integratsiialaý, jobalaý aldyndaǵy jáne jobalaý-smetalyq qujattamaǵa saraptama júrgizýge memlekettik monopoliiadan kezeń-kezeńimen bas tartý, memlekettik basqarý, bilim berý jáne densaýlyq saqtaý júielerin jetildirý, memlekettik organdar men óńirler ákimdikteri janyndaǵy qoǵamdyq keńesterdiń rólin kúsheitý máseleleri qaraldy.
Úkimet basshysy Ult josparyn tolyq ári sapaly júzege asyrý boiynsha belsendi jumysty jalǵastyrýdy tapsyrdy. Investitsiialar tartý kólemin, birinshi kezekte, turaqty, «sapaly» jańa jumys oryndaryn qurýdy qamtamasyz etetin ekonomikanyń basym sektorlaryndaǵy jańa iri jobalarǵa arttyrý jónindegi tarmaqtarǵa erekshe nazar aýdaryldy.
Sondai-aq otyrysqa qatysýshylar QR Prezidenti Q. Toqaevtyń 2019 jylǵy 2 qyrkúiektegi Joldaýyn iske asyrý boiynsha — tabiǵi monopolisterdiń taýarlary men qyzmetteriniń baǵalary men tarifterin kóterýge, naryqtardaǵy baǵalyq sóz bailasýǵa qarsy kúresti kúsheitý, tarif belgileý tásilderin retke keltirý jónindegi Jalpyulttyq is-sharalar josparynyń (JUJ) 31-tarmaǵynyń oryndalýyn qarastyrdy.
Memlekettik organdardyń tarifter men baǵalardyń negizsiz ósýine jol bermeý boiynsha josparly jumystar atqaryp jatqany atap ótildi. Jyl basyna qarai tarifter men baǵalardyń ósýi orta eseppen 0,5%-ǵa tejeldi, áleýmettik mańyzy bar azyq-túlik taýarlaryn óndirý jáne satý naryǵynda baǵalyq sóz bailasýǵa jol bergen 600-den astam sýbektiniń is-áreketi anyqtalyp, toqtatyldy.
.jpeg)