Mádeniet jáne sport ministri Aqtoty Raiymqulova Ulttyq kinony qoldaý ortalyǵynyń basshylyǵy ilikken tergeýge qatysty pikir bildirdi, dep habarlaidy QazAqparat.
«Shynynda da, Sybailas jemqorlyqqa qarsy qyzmetinen ondaǵy zańbuzýshylyqtar týraly habarlama kelip tústi. Ulttyq kinony qoldaý ortalyǵynyń basshysy Sársenova hanymǵa qatysty tergeý júrip jatyr. Áli sot bolǵan joq. Ózderińiz biletindei, zańǵa sáikes adam tergeýde bolǵan kezde eger ol óz erkimen ótinish bermese nemese basqa da ákimshilik sharalar qoldanbasa, ony jumystan shyǵarý múmkin emes», - dedi Mádeniet jáne sport ministri Aqtoty Raiymqulova OKQ-da ótken baspasóz máslihatynda.
Aqtoty Raiymqulova osy sebepti ortalyqtyń jetekshiligi áli de Sársenovada ekenin aityp ótti.
«Biz sot sheshimin kútemiz. Kez-kelgen jaǵdaida sot sheshimi shyqqanǵa deiin adam óziniń quqyǵyn paidalana alatynyn bilesizder. Sondyqtan búgin de bizde áli eki jas orynbasar bar. Ol orynǵa kezinde Qazaqfilmdi basqarǵan Arman Ásenov usynyldy. Biraq ókinishke qarai, ol bas tartty. Sondyqtan sot otyrysy ótip, bul oryn bosatylǵan kezde, árine, konkýrstyq negizde basshy anyqtalady. Bizde osy salada jumys istei alatyn shyn laiyqty adamdar bar dep oilaimyn», - dedi ministr.
